Κούκλα μ’

Προβολή Τραγουδιού

Καλλιτέχνες: Μιχάλης Καλιοντζίδης, Νίτσα Κουρτίδου

Κούκλα μ’, ντ’ έμορφα μαλλόπα έ͜εις!
Τα μαλλόπα είν’ απ’ εσέν
και το χτέν’ έν’ απ’ εμέν
Φύγον κι έλα μετ’ εμέν!

Κούκλα μ’, ντ’ έμορφα ματόπα έ͜εις!
Τα ματόπα είν’ απ’ εσέν,
το τέρεμαν απ’ εμέν
Φύγον κι έλα μετ’ εμέν!

Κούκλα μ’, ντ’ έμορφα χ̌ερόπα έ͜εις!
Τα χ̌ερόπα είν’ απ’ εσέν,
η εγκάλια έν’ απ’ εμέν
Φύγον κι έλα μετ’ εμέν!

Κούκλα μ’, ντ’ έμορφα χ̌ειλόπα έ͜εις!
Τα χ̌ειλόπα είν’ απ’ εσέν,
το φίλεμαν απ’ εμέν
Φύγον κι έλα μετ’ εμέν!

Γλωσσάρι

Κείμενο	Επεξήγηση	Ετυμ. Ρίζα	Προέλευση
έ͜εις	έχεις
εγκάλια	αγκαλιά
είν’	(για πληθ.) είναι
έμορφα	όμορφα
έν’	είναι
μαλλόπα	μαλλάκια
ματόπα	(ομματόπα) ματάκια
μετ’	μαζί με (με αιτιατική), με (τρόπος)
τέρεμαν	βλέμμα, κοίταγμα, μτφ. φροντίδα
φίλεμαν	φιλί
φύγον	(προστ.) φύγε
χ̌ειλόπα	χειλάκια
χ̌ερόπα	χεράκια