Προβολή Τραγουδιού
Ση Παναΐτσας το ποτάμ’ |
Τραγούδια του ΠόντουΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Μιχάλης Καλιοντζίδης, Νίτσα Κουρτίδου
Ση Παναΐτσας το ποτάμ’ ερρούξεν η κλειδίτσα μ’ Τρέξον, μάνα, κι αράεψον σ’ εμέν κιορά̤ νυφίτσαν Τούλα, τούλα -λα το ταούλ’ και η ζουρνά Το ταούλ’ και η ζουρνά όντες κοπανίζ’ν’ τ’ ομάλ’ Κόκκινον μήλον σο κλαδίν ερρούξεν κι ετοχτώθεν Κι εγώ τηνάν εγάπεσα ’ς σα καν’νάν ’κ’ εκομπώθεν Τούλα, τούλα -λα το ταούλ’ και η ζουρνά Το ταούλ’ και η ζουρνά όντες κοπανίζ’ν’ τ’ ομάλ’ Σον ουρανόν κρεμάγουνταν δύο χρυσά καντάρα̤ Τ’ έναν ζυγίζ’ τα κορτσόπα, τ’ άλλο τα παλληκάρα̤ Τούλα, τούλα -λα το ταούλ’ και η ζουρνά Το ταούλ’ και η ζουρνά όντες κοπανίζ’ν’ τ’ ομάλ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αράεψον | (προστ.) ψάξε, αναζήτησε, γύρεψε | aramak | |
| εγάπεσα | αγάπησα | ||
| εκομπώθεν | ξεγελάστηκε, εξαπατήθηκε, μτφ. σαγηνεύτηκε | κομβόω | |
| ερρούξεν | έπεσε | ||
| ετοχτώθεν | μωλωπίστηκε | ||
| ’κ’ | δεν | οὐκί<οὐχί | |
| καν’νάν | κανέναν | ||
| κιορά̤ | ταιριαστός/ή/ό | göre | |
| κλειδίτσα | σουγιάς | ||
| κορτσόπα | κοριτσάκια | ||
| κρεμάγουνταν | κρέμονται | ||
| νυφίτσαν | νυφούλα | ||
| ομάλ’ | ομαλό, ευθεία, πεδιάδα | ||
| όντες | όταν | ||
| παλληκάρα̤ | παλληκάρια | παλληκάριον<πάλληξ, πάλλαξ | |
| ποτάμ’ | ποτάμι | ||
| ’ς | (ας) από | ||
| ταούλ’ | νταούλι | davul/ṭabl | |
| τηνάν | αυτόν/ην που | ||
| τούλα | ήσυχα, φρόνιμα | ||
| τρέξον | (προστ.) τρέξε |
