Σο πεγάδ’ όντες θα πας

Προβολή Τραγουδιού

Καλλιτέχνες: Μιχάλης Καλιοντζίδης, Νίτσα Κουρτίδου

Το σεβταλούκ’ ντο λες εσύ
πασ̌κείμ’ τρανόν δουλείαν;
Ευτάς κάτας πορπάτεμαν
και πεντικού λαλίαν

Σο πεγάδ’ όντες θα πας
πάντα λες, πάντα γελάς
Μετ’ ατό χαρεντερί͜εις με
κι έναν φίλεμαν ’κι δί’ς με

Θειίτσα μ’, το κορτσόπο σου
πολλά μη τυρα̤ννίζ’ με
Σίτα̤ κοιμούμαι νόστιμα
χαντυλλά̤ζ’ κι εγνεφίζ’ με

Σο πεγάδ’ όντες θα πας
πάντα λες, πάντα γελάς
Μετ’ ατό χαρεντερί͜εις με
κι έναν φίλεμαν ’κι δί’ς με

Ερρίγασα, επάγωσα,
κρύον επέρα, βέχω
Για τ’ έναν ξερόν φίλεμαν
νύχταν ημέραν τρέχω

Πάντα λες, πάντα γελάς
σο πεγάδ’ όντες θα πας
Τα παλληκάρα̤ κομπώντς
και χωρίς σειράν γομώντς

Γλωσσάρι

Κείμενο	Επεξήγηση	Ετυμ. Ρίζα
βέχω	βήχω
γομώντς	γεμίζεις
δί’ς	δίνεις
δουλείαν	δουλειά
εγνεφίζ’	ξυπνάει
επέρα	πήρα
ερρίγασα	κρύωσα	ῥιγέω-ῶ
ευτάς	κάνεις, φτιάχνεις	εὐθειάζω
κάτας	γάτες
’κι	δεν	οὐκί<οὐχί
κοιμούμαι	κοιμάμαι
κομπώντς	εξαπατάς, ξεγελάς, μτφ. σαγηνεύεις	κομβόω
κορτσόπο	κοριτσάκι
λαλίαν	λαλιά, φωνή
μετ’	μαζί με (με αιτιατική), με (τρόπος)
όντες	όταν
παλληκάρα̤	παλληκάρια	παλληκάριον<πάλληξ, πάλλαξ
πασ̌κείμ’	μήπως, μήπως (και)	πᾶς καί ἔνι
πεγάδ’	βρύση
πεντικού	ποντικού
πολλά	(επίθ.) πολλά, (επίρρ.) πολύ
πορπάτεμαν	περπάτημα
σεβταλούκ’	έρωτας	sevdalık
σίτα̤	καθώς, ενώ	σόταν<εις όταν
τυρα̤ννίζ’	τυραννάω/ει, ταλαιπωρώ/εί
φίλεμαν	φιλί
χαντυλλά̤ζ’	γαργαλάει, μτφ. θαμπώνει
χαρεντερί͜εις	χαροποιείς, ψυχαγωγείς