Ποντιακός Στίχος

Προβολή Τραγουδιού

Για τ’ εσέναν τραγωδώ

Το μοναχοπαίδ’Το μοναχοπαίδ’

Στιχουργοί: Μπάμπης Ιορδανίδης

Συνθέτες: Αικατερίνη Παπαδοπούλου

Καλλιτέχνες: Ανέστης Μωυσής, Μπάμπης Ιορδανίδης


Εντώκα τον ανέφορον,
τη μαχαλά σ’ δι͜αβαίν’νω
Σ̌υρίζω, ψ̌η μ’, και τραγωδώ [πουλόπο μου!]
το καρδόπο σ’ να καίγω

Και για τ’ εσέναν τραγωδώ,
εγώ, νύχταν κι ημέρα
Τρανόν τ’ ομούτι μ’ για τ’ εσέν, [λελεύω σε!]
θα τρώει με έναν ημέραν

Επάγωσα, τσούνας κουτάβ’,
αφκά ’ς σο παραθύρι σ’
Άνοιξον κι έπαρ’ με απέσ’ [πουλόπο μου!]
’δέν ’κ’ εγροικά -ν- ο κύρη σ’

Και για τ’ εσέναν τραγωδώ,
εγώ, νύχταν κι ημέρα
Τρανόν τ’ ομούτι μ’ για τ’ εσέν, [λελεύω σε!]
θα τρώει με έναν ημέραν

Αν έξερες εγάπ’ ντο έν’,
λαλίαν ’κι θ’ εβγάλλ’νες
Θ’ επαίρ’νες με στ’ εγκαλιόπο σ’ [πουλόπο μου!]
και μετ’ εμέν θ’ εχάρ’νες¹

Και για τ’ εσέναν τραγωδώ,
εγώ, νύχταν κι ημέρα
Τρανόν τ’ ομούτι μ’ για τ’ εσέν, [λελεύω σε!]
θα τρώει με έναν ημέραν
Γλωσσάρι
ΚείμενοΕπεξήγησηΕτυμ. ΡίζαΠροέλευση
ανέφορονανήφορο
άνοιξονάνοιξε (προστ.)
απέσ’μέσα
αφκάκάτω
’δέντίποτα
εβγάλλ’νεςέβγαζες
εγάπ’αγάπη
εγκαλιόποαγκαλίτσα
εγροικάκαταλαβαίνει
έν’είναι
εντώκαχτύπησα
έξερεςήξερες
επαίρ’νεςέπαιρνες
έπαρ’πάρε (προστ.)
’κ’δεν ουκί<οὐχί
καρδόποκαρδούλα
’κιδεν ουκί<οὐχί
λαλίανλαλιά, φωνή
λελεύωχαίρομαι
μαχαλάγειτονιά mahalle/maḥalle
μετ’μαζί με (με αιτιατική), με (τρόπος)
ομούτιελπίδα umut
πουλόποπουλάκι
’ς(ας) από
σ̌υρίζωσφυρίζω, παίζω αυλό σῦριγξ
τραγωδώτραγουδάω
τσούναςσκύλας
ψ̌ηψυχή
Σημειώσεις
¹ Δεν υφίσταται τύπος του ρήματος χαίρω ως χάρω για να σχηματίσει παρατατικό «εχάρ’νες». Ορθότερη αναγραφή το «εχ̌αίρουσ’νε<χ̌αίρουμαι» ή το «εχάρουσ’νε<χάρουμαι»

Ποντιακός Στίχος - Pontian Lyrics 2024

Τραγούδια: 7872 | Albums/Singles: 1122 | Συντελεστές: 1524 | Λήμματα: 12562
Επικοινωνία: infoDUMMY@pontianlyrics.gr