Επιτραπέζιον Τραπεζούντας

Προβολή Τραγουδιού

Εσύ εμέναν έλεες
«καν’νάν ’κι καλατσ̌εύω»
Με τ’ ομματόπα μ’ είδα σε
το Θεό σ’ ’κ’ ινιανεύω

Κατιρτσ̌ιλούκ’ σίτ’ εποίν’να
σα στράτας εβραδι͜άστα
Είπεν με -ν- «έλα ας μένομε»
τη περισ̌άν’ η Ανάστα

Θάλασσα με τα κύματα
δος τ’ αρνόπο μ’ λαλία
πέει ατεν «αραεύ’νε σε -ν-
ομμάτι͜α σεβνταλία»

Για έβγαλ’ το περίστροφο σ’,
γόμωσον τα πατρόνια
Σύρον και σκότωσον εμέν,
χαλάλ’ να είν’ τα χρόνια μ’

Γλωσσάρι

Κείμενο	Επεξήγηση	Ετυμ. Ρίζα
αραεύ’νε	ψάχνουν, αναζητούν, γυρεύουν	aramak
αρνόπο	αρνάκι, χαϊδευτική προσφώνηση γυναίκας
ατεν	αυτήν
γόμωσον	(προστ.) γέμισε
δος	δώσε
έβγαλ’	(προστ.) βγάλε
εβραδι͜άστα	βραδιάστηκα
είν’	(για πληθ.) είναι
έλεες	έλεγες
εποίν’να	έκανα, έφτιαχνα	ποιέω-ῶ
ινιανεύω	πιστεύω, εμπιστεύομαι	inanmak
’κ’	δεν	οὐκί<οὐχί
καλατσ̌εύω	μιλάω, συνομιλώ, συζητώ	keleci=καλός λόγος (Παλαιά Τουρκική Ανατολίας)
καν’νάν	κανέναν
κατιρτσ̌ιλούκ’	το επάγγελμα του αγωγιάτη	katırcılık
’κι	δεν	οὐκί<οὐχί
λαλία	λαλιά, φωνή
ομμάτι͜α	μάτια
ομματόπα	ματάκια
πατρόνια	φυσίγγια	патрон
πέει	(προστ.) πες
περισ̌άν’	εξαθλιωμένo, κακομοίρη, δυστυχή	perişan/perīşān
σεβνταλία	ερωτοχτυπημένα, ερωτευμένα, ερωτικά	sevdalı
σίτ’	καθώς, ενώ	σόταν<εις όταν
σκότωσον	(προστ.) σκότωσε
στράτας	(ονομ.) δρόμοι, (αιτ.) δρόμους
σύρον	(προστ.) σύρε, τράβα, ρίξε
χαλάλ’	κάτι που θυσιάζεται, προσφέρεται, ξοδεύεται με ευχαρίστηση, αν και είναι πολύτιμο ή κοστίζει πολλά	helal/ḥalāl