Σουμπούλα μ’, έλα-έλα

Προβολή Τραγουδιού

Είναν σ̌ουμπούλαν αγαπώ,
τ’ όνομαν ατ’ς ’κι λέγω
Η μάνα τ’ς αν ’κι δί’ μ’ ατεν
θα παίρ’ ατεν και φεύω

Σ̌ουμπούλα μ’, έλα - έλα
Σ̌ουμπούλα μ’, έλα - έλα
Όντες τερώ σε, μη τερείς
αφκακέσ’, χαμογέλα!

Είναν σ̌ουμπούλαν αγαπώ,
τ’ όνομαν ατ’ς ’κι λέω
Την ώραν ντο ’κ’ ελέπ’ ατεν
κάθουμαι κα’ και κλαίω

Σ̌ουμπούλα μ’, έλα - έλα
Σ̌ουμπούλα μ’, έλα - έλα
Όντες τερώ σε, μη τερείς
αφκακέσ’, χαμογέλα!

Σ̌ουμπούλα μ’, τα στομόχ̌ειλα σ’
γομάτον νοστιμάδες
Εμορφάδας κανείται σε,
μ’ αλείφκεσαι πογιάδες

Σ̌ουμπούλα μ’, έλα - έλα
Σ̌ουμπούλα μ’, έλα - έλα
Όντες τερώ σε, μη τερείς
αφκακέσ’, χαμογέλα!

Σ̌ουμπούλα μ’, ποδεδίζω σε,
φιλώ και στομόπο σ’
Μόνασον με έναν βράδον
απέσ’ σο κρεβατόπο σ’

Σ̌ουμπούλα μ’, έλα - έλα
Σ̌ουμπούλα μ’, έλα - έλα
Όντες τερώ σε, μη τερείς
αφκακέσ’, χαμογέλα!
Σ̌ουμπούλα μ’, έλα - έλα
Όντες τερώ σε, μη τερείς
αφκακέσ’, χαμογέλα!

Γλωσσάρι

Κείμενο	Επεξήγηση	Ετυμ. Ρίζα
αλείφκεσαι	αλείβεσαι
απέσ’	μέσα
ατεν	αυτήν
ατ’ς	αυτής, της
αφκακέσ’	κάτω πέρα
βράδον	βράδυ
γομάτον	γεμάτο/η
δί’	δίνει
είναν	έναν, μία
ελέπ’	βλέπει/βλέπω
εμορφάδας	(ον. πληθ.) ομορφιές ή (γεν. ενικ.) ομορφιάς
’κ’	δεν	οὐκί<οὐχί
κα’	κάτω
κανείται	φτάνει, είναι αρκετό
’κι	δεν	οὐκί<οὐχί
κρεβατόπο	κρεβατάκι
μόνασον	(προστ.) φιλοξένησε για διανυκτέρευση
όντες	όταν
παίρ’	παίρνω/ει
πογιάδες	μπογιές, βαφές	boya
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
σ̌ουμπούλα	αυτή που είναι σα ζουμπούλι	sümbül/sunbul
σ̌ουμπούλαν	αυτή που είναι σα ζουμπούλι	sümbül/sunbul
στομόπο	στοματάκι
στομόχ̌ειλα	τα χείλια του στόματος
τερείς	κοιτάς
τερώ	κοιτώ
φεύω	φεύγω

Προβολή Τραγουδιού

Σ̌ουμπούλα μ’, έλα-έλα