Χαψία εξέβαν σο γιαλόν

Προβολή Τραγουδιού

Καλλιτέχνες: Γιώργος Αμαραντίδης, Παναγιώτης Θεοδωρίδης

Χαψία εξέβαν σο γιαλόν,
χοντρά τ’ ευλοημένα
Τα καΐκια πάν’ κι έρχουν
ζίπα-ζίπα φορτωμένα

Χαψία, χαψία,
φατέστεν, σ̌κύλ’ παιδία!
Και ντ’ έμορφα μαειρεύ’ α̤τα
η θεία μ’ η ’Βδοξία!

Τραπεζουνταίοι, Κερασουνταίοι,
όλ’ παίρ’νε τηγανίζ’νε
Τ’ εμέτερον οι Σουρμενίτ’
με τα πατμάνια αλίζ’νε

Χαψία, χαψία,
φατέστεν, σ̌κύλ’ παιδία!
Και ντ’ έμορφα παστών’ α̤τα
η θεία μ’ η ’Βδοξία!

Ας ση Μαύρην την Θάλασσαν
χαψία φά’ και πία
Κι ας παρχάρι͜α του Πόντου,
βουτούρτα και μιντζία

Χαψία, χαψία,
βουτούρτα και μιντζία
Ντ’ έμορφα πετσ̌ερεύ’ α̤τα
η θεία μ’ η ’Βδοξία!

Γλωσσάρι

Κείμενο	Επεξήγηση	Ετυμ. Ρίζα
αλίζ’νε	αλατίζουν
βουτούρτα	βούτυρα
εμέτερον	δικός/ή/ό μου	ἡμέτερος
έμορφα	όμορφα
εξέβαν	βγήκαν
έρχουν	έρχονται
ευλοημένα	ευλογημένα
ζίπα-ζίπα	(έκφ.) για κάτι που είναι γεμάτο μέχρι πάνω, φίσκα	زیبا (zībā=όμορφο, στολισμένο)
καΐκια	μικρές βάρκες	kayık
μαειρεύ’	μαγειρεύει
μιντζία	μυζήθρες
όλ’	όλοι/α
παιδία	παιδιά
παίρ’νε	παίρνουν
παρχάρι͜α	ορεινοί τόποι θερινής βοσκής
πατμάνια	μονάδα βάρους της εποχής (1 πατμάνι=6 οκάδες≈7,7 κιλά)	batman
πετσ̌ερεύ’	καταφέρνει, πετυχαίνει, επιτυγχάνει	becermek
πία	(προστ.) πιες
σ̌κύλ’	(γεν.) σκύλου
τηγανίζ’νε	τηγανίζουν
φά’	(προστ.) φάε
φατέστεν	(προστ.) φάτε
χαψία	γαύροι	hamsi<ჰამსი