Η κεμεντζέ μ’ κι η λαλία μ’

Προβολή Τραγουδιού

Τρέχ’νε κουδίζ’ ο πετεινόν
κοσσάρι͜α, νουσσακόπα
Παίζω, τραγωδώ, ολόερα μ’
νυφάδες και κορτσόπα

Η κεμεντζ̌έ μ’ κι η λαλία μ’
μαχαλάδες χαλάν’νε
Νυφόπα αφουκρούντανε,
βαθέα αναστενάζ’νε

Έναν νυφόπον είπε με
«το χατίρι σ’ πολλά έν’!»
Το χατίρι σ’ χαλάν’ ατο,
η πεθερά μ’ αδά έν’

Δύο σον κόσμον τα κακά
παράν και οι νυφάδες
Έρθα επιδέβα την παράν,
σο γιάνι μ’ τουρφαντάδες

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αναστενάζ’νε	αναστενάζουν
αφουκρούντανε	αφουγκράζονται
βαθέα	βαθιά
γιάνι	πλάι, πλευρό	yan
έν’	είναι
επιδέβα	έφυγα, άφησα πίσω, προσπέρασα, ξεπέρασα
έρθα	ήρθα
κεμεντζ̌έ	λύρα	kemençe/kemānçe
κορτσόπα	κοριτσάκια
κοσσάρι͜α	κότες
κουδίζ’	ραμφίζω/ει
λαλία	λαλιά, φωνή
μαχαλάδες	γειτονιές	mahalle/maḥalle
νουσσακόπα	κλωσσοπουλάκια
νυφάδες	νύφες
νυφόπα	νυφούλες
νυφόπον	νυφούλα
ολόερα	ολόγυρα
παράν	λεφτά, το χρήμα	para/pāre
πολλά	(επίθ.) πολλά, (επίρρ.) πολύ
τουρφαντάδες	τα φρούτα/λαχανικά που ωριμάζουν πρώτα στη σεζόν, μτφ τα νέα, τα πρωτοεμφανιζόμενα και συνεκδ. οι φρέσκες/νέες κοπέλες	turfanda/tervende
τραγωδώ	τραγουδάω
τρέχ’νε	τρέχουν
χαλάν’	χαλάω/ει, καταστρέφω/ει
χαλάν’νε	χαλούν, καταστρέφουν
χατίρι	χάρη, σεβασμός, υπόληψη	hatır/ḫāṭir