Προβολή Τραγουδιού
Παίζ’ η λύρα τραγωδώ |
Και μελεσσίδ’ μελεσσιδόπονΣτιχουργοί: Νάκος Ευσταθιάδης
Συνθέτες: Φάνης Κουρουκλίδης
Καλλιτέχνες: Σταύρος Σαββίδης, Φάνης Κουρουκλίδης
Παίζ’ η λύρα τραγωδώ [τραγωδώ, τραγωδώ] για τ’ αρνόπο μ’ π’ αγαπώ Έφυεν και μέρ’ επήεν [το πουλί μ’, το γιαβρί μ’] και τ’ εμόν η ψ̌η ελύεν Έχω αγιάτρευτον γεράν και ’κι λέ’ ατο καν’νάν Αν ’κι κλώσ̌κεται τ’ αρνί μ’ θα τελείται η ζωή μ’⇋ Παίζ’ η λύρα τραγωδώ [τραγωδώ, τραγωδώ] κι αποπέσ’ ι-μ’ ας πονώ Τα παράπονα μ’ ’κι λέω [χοὺι, αμάν! χοὺι, αμάν!] και κρυφά μαναχός κλαίω Έχω αγιάτρευτον γεράν και ’κι λέ’ ατο καν’νάν Αν ’κι κλώσ̌κεται τ’ αρνί μ’ θα τελείται η ζωή μ’⇋ Παίζ’ η λύρα τραγωδώ [τραγωδώ, τραγωδώ] και τα δά̤κρυ͜α μ’ ’κι κρατώ Σα ποτάμι͜α αν κυλίουν [χοὺι, αμάν! χοὺι, αμάν!] που δι͜αβαίν’νε θα φουρκίουν Έχω αγιάτρευτον γεράν και ’κι λέ’ ατο καν’νάν Αν ’κι κλώσ̌κεται τ’ αρνί μ’ θα τελείται η ζωή μ’⇋
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αποπέσ’ | από μέσα | ||
| αρνόπο | αρνάκι, χαϊδευτική προσφώνηση γυναίκας | ||
| γεράν | πληγή, τραύμα | yara | |
| γιαβρί | μωρό, μικρό, παιδί | yavru | |
| δι͜αβαίν’νε | (για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν | διαβαίνω | |
| ελύεν | λύθηκε, έλιωσε | ||
| εμόν | δικός/ή/ό μου | ἐμοῦ | |
| επήεν | πήγε | ||
| έφυεν | έφυγε | ||
| καν’νάν | κανέναν | ||
| ’κι | δεν | οὐκί<οὐχί | |
| κλώσ̌κεται | γυρίζει, επιστρέφει | ||
| κυλίουν | κυλάνε | ||
| μαναχός | μοναχός, μόνος | ||
| μέρ’ | (μέρου, επιρρ.) πού, προς ορισμένο μέρος, όποιος | ||
| τελείται | (αμτβ.) τελειώνει, εξαντλείται, μτφ. πεθαίνει | ||
| τραγωδώ | τραγουδάω | ||
| φουρκίουν | πνίγονται | ||
| ψ̌η | ψυχή |
