Ο Μονόγιαννες

Προβολή Τραγουδιού

Καλλιτέχνες: Αναστασία Κεχαγιά, Μιχάλης Καλιοντζίδης

Ο Γιάννες ο Μονόγιαννες,
ο μαναχόν ο Γιάννες
Ο Γιάννες επεπέρνιξεν
και σο πεγάδ’ επήεν

Εντώκεν και την μαστραπάν,
κι εγνέφιξεν ο δράκον
Εξέβεν δράκος άγγελος
και θέλ’ να τρώει τον Γιάννεν

-Καλώς, καλώς το πρόγευμα μ’,
καλώς το δελινάρι μ’!
Καλώς ντο τρώγω και πίνω
και κείμαι και κοιμούμαι

-Άφ’ς εμέ, δράκε μ’, άφ’ς εμέ
καν πέντε-έξ’ ημέρας
Ας πάω ελέπω τ’ εμετέρτς
κι έρχουμαι, δράκε μ’, φά’ με

Γλωσσάρι

Κείμενο	Επεξήγηση	Ετυμ. Ρίζα
άφ’ς	(προστ.) άφησε
δελινάρι	δείπνο
εγνέφιξεν	ξύπνησε
ελέπω	βλέπω
εμετέρτς	ημέτερους, δικούς μου (ανθρώπους)	ἡμέτερος
εντώκεν	χτύπησε
έξ’	έξω ή ο αριθμός έξι
εξέβεν	βγήκε, ανέβηκε
επεπέρνιξεν	σηκώθηκε πολύ πρωί, σηκώθηκε από ύπνο
επήεν	πήγε
έρχουμαι	έρχομαι
κείμαι	κείτομαι, ξαπλώνω
κοιμούμαι	κοιμάμαι
μαναχόν	(έναρθρο) μοναχός, μοναχό, (επίρρ) μόνο/μοναχά
μαστραπάν	μικρή μεταλλική, πήλινη ή και γυάλινη κανάτα	maşrapa/maşraba
πεγάδ’	βρύση
φά’	(προστ.) φάε