Καγκαλιδάρι͜α

Προβολή Τραγουδιού

Καλλιτέχνες: Αναστασία Κεχαγιά, Μιχάλης Καλιοντζίδης

Φωταχτέρα, φωταχτέρα,
άσπρεσσα άμον το χ̌ιόν’
Έπαρ’ με σ’ εγκαλιόπο σ’,
ποίσον το χατίρ’ τ’ εμόν!

Τα μαλλία σ’ μερακλία
άμον τα καγκαλιδάρι͜α
Έλα ας πλέκ’ ατα σ’ ωμία σ’,
έμορφα μαργαριτάρι͜α

’Ποίκες την καρδι͜ά μ’ κορδύλ’,
λύουμαι άμον το κερίν
Καίγουμαι, βρουλίουμαι
άμον ξύλον σο φουρνίν

Τα μαλλία σ’ μερακλία
άμον τα καγκαλιδάρι͜α
Έλα ας πλέκ’ ατα σ’ ωμία σ’,
έμορφα μαργαριτάρι͜α

Μίαν έρθα κι αλλομίαν
και σ’ εσόν τη γειτονίαν
Έβγα ας ελέπω σε,
τ’ εγάπ’ς έχω τα κλειδία

Τα μαλλία σ’ μερακλία
άμον τα καγκαλιδάρι͜α
Έλα ας πλέκ’ ατα σ’ ωμία σ’,
έμορφα μαργαριτάρι͜α

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
άμον	σαν, όπως, καθώς	ἅμα
άσπρεσσα	άσπρη
ατα	αυτά
βρουλίουμαι	φλέγομαι, καίγομαι	brûler
έβγα	(προστ.) βγες
εγάπ’ς	αγάπης
εγκαλιόπο	αγκαλίτσα
ελέπω	βλέπω
εμόν	δικός/ή/ό μου	ἐμοῦ
έμορφα	όμορφα
έπαρ’	(προστ.) πάρε
έρθα	ήρθα
εσόν	δικός/ή/ό σου
καγκαλιδάρι͜α	κατσαρά
καίγουμαι	καίομαι
κορδύλ’	κόμπος
λύουμαι	λιώνω
μερακλία	με μεράκι, με ιδιαίτερο ζήλο	meraklı/merāḳ
μίαν	μια φορά
πλέκ’	πλέκει
’ποίκες	(εποίκες) έκανες, έφτιαξες	ποιέω-ῶ
ποίσον	(προστ.) κάνε, φτιάξε	ποιέω, ποιῶ
φουρνίν	φούρνος
φωταχτέρα	απαστράπτουσα, λαμπερή, μτφ. όμορφη
χατίρ’	χάρη, σεβασμός, υπόληψη	hatır/ḫāṭir
ωμία	ώμοι