Ο καρίπ’ς ο τσοπάνον

Προβολή Τραγουδιού

Τραγούδια του γάμου και της διασκέδασης II

Καλλιτέχνες: Ελένη Κουταλακίδου, Μιχάλης Καλιοντζίδης, Χορωδία

Σαν αρχινά να τραγωδεί
ο καρίπ’ς ο τσ̌οπάνον [όι, όι]
που ’κ’ ευρίεται σην χαράν
και που ’κι πάει σον πάλον [όι, όι]

Ατός πα με τα πρόγατα
λάσ̌κεται σα ραχ̌ία [όι, όι]
Ατός πα ντό υπόφερεν
και με τη μαναχ̌ίαν! [όι, όι]

Έναν κορίτσ’ σ’ όρωμαν ατ’
ελέπει τον τσ̌οπάνον [όι, όι]
Παρακαλεί τη μάναν ατ’
να ευτάει ατόναν πάλον [όι, όι]

Τ’ άλλο το βράδυ προσκαλεί
εκείνον σο τραπέζι [όι, όι]
Λαλούν κι έναν κεμεντζ̌ετσ̌ή
την κεμεντζ̌έν να παίζει [όι, όι]

Τσ̌οπάνε μ’, ντό γιοσμάς είσαι;
νασάν που έ͜ει σε άντραν! [όι, όι]
Άφ’ς τα κι έλα μετ’ εμέν,
τα πρόατα σ’ ’κι χάν’νταν [όι, όι]

Κι α’, μέρ’ θ’ αφήνω τ’ άκλερα μ’;
’κι γίνεται καμίαν! [όι, όι]
Αύριον έλα εύρι͜α με,
απάν’ καικά σ’ ορμία [όι, όι]

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
άκλερα	άκληρα, φτωχά, δυστυχή, ταλαίπωρα
απάν’	πάνω
ατόναν	αυτόν
ατός	αυτός
άφ’ς	(προστ.) άφησε
γιοσμάς	κομψός, λεβέντης νέος	yosma
έ͜ει	έχει
ελέπει	βλέπει
ευρίεται	βρίσκεται
ευτάει	κάνει, φτιάχνει	εὐθειάζω
’κ’	δεν	οὐκί<οὐχί
καικά	προς τα κάτω, εκεί ακριβώς, κοντά
καμίαν	ποτέ
καρίπ’ς	ξένος, μοναχικός, φτωχός, ανήμπορος / (αιτ. πληθ.) ξένους, μοναχικούς, φτωχούς, ανήμπορους	garip/ġarīb
κεμεντζ̌έν	λύρα	kemençe/kemānçe
κεμεντζ̌ετσ̌ή	λυράρη	kemençeci
’κι	δεν	οὐκί<οὐχί
κι α’	μα, ειδεμή, αλλιώς, μήπως	αμή < μσν. < ἄμμε < ἀμμή < ἄν μη «αλλ’ όμως»
λαλούν	βγάζουν λαλιά, καλούν, αποκαλούν, προσκαλούν, οδηγούν
λάσ̌κεται	περιφέρεται, τριγυρνά, περιπλανιέται	ἀλάομαι/ηλάσκω
μαναχ̌ίαν	μοναξιά
μέρ’	(μέρου, επιρρ.) πού, προς ορισμένο μέρος, όποιος
μετ’	μαζί με (με αιτιατική), με (τρόπος)
νασάν	χαρά σε
ορμία	ρυάκια, ρεματιές
όρωμαν	όνειρο
πα	πάλι, επίσης, ακόμα
πάλον	(ή πάλλον) χορός, χοροεσπερίδα	ballo<βαλλίζω (=κουνώ, χορεύω)
πρόατα	πρόβατα
πρόγατα	πρόβατα
ραχ̌ία	ράχες, βουνά
τραγωδεί	τραγουδάει
χάν’νταν	χάνονται, διώχνονται

Προβολή Τραγουδιού

Ο καρίπ’ς ο τσ̌οπάνον