Τα στράτας ντ’ επορπάτεσα

Προβολή Τραγουδιού

Τα στράτας ντο ’πορπάτεσα,
τα γεφύρι͜α ντ’ εδέβα!
Άλλον κορίτσ’ εγάπεσα,
εσέναν επιδέβα

Έλα, κόρ’, ας θερίζομε
σα ψηλά τα ραχ̌ία
Μακρά-μακρά ας κάθουμες,
σύρομε μαναχ̌ία

Τα δάχτυλα σ’ ’κι αροθυμώ,
το δαχτυλίδι σ’ έχω
Κι ας σα ξανθά τα μαλλόπα σ’,
τ’ ημ’σά σην τσ̌έπη μ’ έχω

Γλωσσάρι

Κείμενο	Επεξήγηση	Ετυμ. Ρίζα
αροθυμώ	νοσταλγώ
εγάπεσα	αγάπησα
εδέβα	(για τόπο) πέρασα, διέσχισα (για χρόνο) πέρασα	διαβαίνω
επιδέβα	έφυγα, άφησα πίσω, προσπέρασα, ξεπέρασα
ημ’σά	μισά
θερίζομε	θερίζουμε
κάθουμες	καθόμαστε
’κι	δεν	οὐκί<οὐχί
μακρά	(επιρρ.) μακριά, (επιθ.) μακρινά, απομακρυσμένα
μαλλόπα	μαλλάκια
μαναχ̌ία	μοναξιά
’πορπάτεσα	(επορπάτεσα) περπάτησα
ραχ̌ία	ράχες, βουνά
στράτας	(ονομ.) δρόμοι, (αιτ.) δρόμους
σύρομε	σέρνουμε, τραβάμε, ρίχνουμε