Μήλον ροδοκόκκινον

Προβολή Τραγουδιού

Καλλιτέχνες: Γιώργος Ιωαννίδης, Λάζος Ιωαννίδης, Μπάμπης Κεμανετζίδης

Σην καζαρμάν οπίσ’ καικά
μερώνει, ξημερώνει
Αέτσ’ δεβάζω τον καιρό μ’
με την εγάπ’ τ’ εσόν-ι
-Μήλον το ροδοκόκκινον-
με την εγάπ’ τ’ εσόν-ι

Τα χ̌είλι͜α σ’ ροδοκόκκινα
και η τσ̌εχρέ σ’ φεγγάρι
Γουρπάν’ σ’ εσέν να ’ίνουμαι,
εγώ το παλληκάρι!
-Μήλον το ροδοκόκκινον-
εγώ το παλληκάρι!

Έλα παπόρ’, έλα παπόρ’,
έλα γιαλόν - γιαλόν -ι
Έλα, φέρον τ’ αρνόπο μου
και δέβα σο καλόν-ι
-Μήλον το ροδοκόκκινον-
και δέβα σο καλόν-ι

Γαράκλισε, Γαράκλισε¹,
τη κυρού μ’ το χωρίον
Εκεί εκαλοζήναμε,
αδά κι άλλο καλλίον
-Μήλον το ροδοκόκκινον-
αδά κι άλλο καλλίον
-Μήλον το ροδοκόκκινον-
τη κυρού μ’ το χωρίον

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αέτσ’	έτσι
αρνόπο	αρνάκι, χαϊδευτική προσφώνηση γυναίκας
γουρπάν’	θυσία	kurban/ḳurbān
δέβα	(προστ.) πήγαινε
δεβάζω	διαβάζω, περνάω, πηγαίνω κπ/κτ κάπου
εγάπ’	αγάπη
εκαλοζήναμε	ζούσαμε καλά, καλοπερνούσαμε
εσόν	δικός/ή/ό σου
’ίνουμαι	γίνομαι
καζαρμάν	στρατώνας	казарма
καικά	προς τα κάτω, εκεί ακριβώς, κοντά
καλλίον	(επίθ.) καλύτερο, (επίρ.) καλύτερα
κυρού	πατέρα
μερώνει	ξημερώνει
οπίσ’	πίσω
παπόρ’	βαπόρι, καράβι	vapore
τσ̌εχρέ	πρόσωπο	çehre/çihre
φέρον	(προστ.) φέρε

Σημειώσεις

¹ (ή Γαράκιλσε ή Καράκλισε, τουρκ. Karaklise σημερ. Gelinalan) Χωριό της επαρχίας Καρς