Εξέβα σο ψηλόν ραχίν

Προβολή Τραγουδιού

Εξέβα σο ψηλόν ραχ̌ίν,
ολόερα -ν- ετέρ’να [γιαρ]
Σίτα̤ ενεμείν’να σε σο νου μ’
ντ’ εδέβαμε -ν- εφέρ’να [γιαρ]

Ερχίνεσα να τραγωδώ
και κόφτω τα κλαδία [γιαρ]
Άμον ντο είδα σε σ’ ορμάν’
σο γιάνι σ’ ετυλίγα [γιαρ]

Εχάρτσες με τ’ αξ̌άεμα σ’,
επέρες την καρδία μ’ [γιαρ]
Εγνέφ’σε με το φίλεμα σ’,
εκλαίντσε με η σκοτία [γιαρ]

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αξ̌άεμα	χάιδεμα, χάδι	okşama
γιάνι	πλάι, πλευρό	yan
γιαρ	αγαπητός/ή/ό, αγάπη	yâr
εγνέφ’σε	ξύπνησε
εδέβαμε	(για τόπο) περάσαμε, διασχίσαμε, (για χρόνο) περάσαμε	διαβαίνω
εκλαίντσε	στενοχώρησε, έκανε κπ να κλάψει
ενεμείν’να	περίμενα, ανέμενα
εξέβα	βγήκα, ανέβηκα, μτφ. προέκυψα
επέρες	πήρες
ερχίνεσα	άρχισα
ετέρ’να	κοιτούσα
ετυλίγα	τυλίχθηκα
εχάρτσες	χάρισες
κόφτω	κόβω
ολόερα	ολόγυρα
ορμάν’	δάσος	orman
ραχ̌ίν	βουνό, ράχη
σίτα̤	καθώς, ενώ	σόταν<εις όταν
σκοτία	σκοτάδι
τραγωδώ	τραγουδάω
φίλεμα	φιλί