Τ’ οσπίτι μ’ καινουργόχτιστον

Προβολή Τραγουδιού

Τ’ οσπίτι μ’ καινουργόχτιστον,
καράβ’ αρματωμένον
Τα χ̌είλι͜α λένε και γελούν,
η καρδι͜ά ματωμένον

Ο ουρανόν να έτον χαρτίν,
η θάλασσα μελάν’ -ι
Να έγραφα τα τερτόπα μου
κι εδέβαζα τα πλάν -ι

Εμέν όντες ελέπετεν,
πουλόπα μ’, κελαηδέστεν
Το βερεμλίν το καρδόπο μ’,
εσείς παρηγορέστεν

Γλωσσάρι

Κείμενο	Επεξήγηση	Ετυμ. Ρίζα
αρματωμένον	εξοπλισμένο, οπλισμένο
βερεμλίν	φυματικό/ή, χτικιάρα/ικο, ασθενικιά/ό, αρρωστιάρικο/α	veremli
εδέβαζα	διάβαζα, περνούσα, πήγαινα κπ/κτ κάπου	διαβαίνω
ελέπετεν	βλέπετε
έτον	ήταν
καινουργόχτιστον	καινούριο χτισμένο
καρδόπο	καρδούλα
όντες	όταν
οσπίτι	σπίτι	hospitium<hospes
πλάν	πλάι, πλαϊνό/ παρακείμενο μέρος, παραπέρα
πουλόπα	πουλάκια
τερτόπα	(υποκορ.) καημοί, βάσανα, στενοχώριες	dert