Ψηλά είν’ τα παράθυρα σ’

Προβολή Τραγουδιού

Ψηλά είν’ τα παράθυρα σ’
και χαμελά τερούνε
Όντες ελέπ’νε με έρχουμαι
μονάχα ατά χτυπούνε

Λελεύω τ’ ομματόπα σου
και τα καστανωτά -νι
Πόσα φοράς εντώκες με,
ισ̌μάρ’ και μετ’ ατά; -νι

Το τσ̌αντάι μ’ εκρέμασα
σ’ έναν σπενταμοκλάδι
Επέρα το μικρόν τ’ αρνί μ’
κι εταράγα σ’ ορμάνι

Γλωσσάρι

Κείμενο	Επεξήγηση	Ετυμ. Ρίζα
ατά	αυτά
είν’	(για πληθ.) είναι
ελέπ’νε	βλέπουνε
εντώκες	χτύπησες, έκανες να
επέρα	πήρα
έρχουμαι	έρχομαι
εταράγα	μπλέχθηκα, ανακατεύθηκα
ισ̌μάρ’	νεύμα, νόημα	işmar/նշմար
λελεύω	χαίρομαι
μετ’	μαζί με (με αιτιατική), με (τρόπος)
ομματόπα	ματάκια
όντες	όταν
ορμάνι	δάσος
σπενταμοκλάδι	κλαδί σφένδαμου
τερούνε	κοιτούν
τσ̌αντάι	τσάντα	çanta/tança
φοράς	φορές
χαμελά	χαμηλά