Προβολή Τραγουδιού
Ατά ομμάτι͜α ’κ’ είν’ |

Στιχουργοί: Βασίλης Μωυσιάδης
Συνθέτες: Παραδοσιακό
Καλλιτέχνες: Γιάννης Χριστοδουλίδης, Φάνης Κουρουκλίδης
Κορτσόπον, τ’ ομματόπα σου τερούν κι εβγάλλ’νε τσίας Άστρα γομώντς τον ουρανόν, φωτίαν τα καρδίας Ατά ομμάτι͜α ’κ’ είν’, αρνί μ’, παλληκάρ’ παλαλών’νε Τον σεβταλή σκοτών’ν ατον, τον γέροντα νεών’νε Τα νύχτας, πουλί μ’, που τερείς ευτάς ατα ημέρας Η μάνα σ’ έτον χάραμαν και ήλεν ο πατέρα σ’ Ατά ομμάτι͜α ’κ’ είν’, αρνί μ’, παλληκάρ’ παλαλών’νε Τον σεβταλή σκοτών’ν ατον, τον γέροντα νεών’νε Εμέν σ’ ομμάτι͜α μη τερείς, κορούμαι κι απομένω Χάνω τη στράταν τη ζωής κι είμαι σον κόσμον ξένον Ατά ομμάτι͜α ’κ’ είν’, αρνί μ’, παλληκάρ’ παλαλών’νε Τον σεβταλή σκοτών’ν ατον, τον γέροντα νεών’νε
Κείμενο | Επεξήγηση | Ετυμ. Ρίζα | Προέλευση |
---|---|---|---|
ατά | αυτά | ||
ατα | αυτά | ||
γομώντς | γεμίζεις | ||
εβγάλλ’νε | βγάζουν | ||
είν’ | (για πληθ.) είναι | ||
έτον | ήταν | ||
ευτάς | κάνεις, φτιάχνεις | εὐθειάζω | |
ήλεν | ήλιος/ήλιο | ||
’κ’ | δεν | οὐκί<οὐχί | |
καρδίας | (τη, γεν.) καρδιάς, (τα, ονομ. πληθ.) καρδιές | ||
κορούμαι | τυφλώνομαι | ||
κορτσόπον | κοριτσάκι | ||
νεών’νε | κάνουν νέο, ξανανιώνουν κπ | ||
νύχτας | (ον.πληθ.,τα) νύχτες | ||
ομμάτι͜α | μάτια | ||
ομματόπα | ματάκια | ||
παλαλών’νε | τρελαίνουν | ||
σεβταλή | ερωτοχτυπημένο, ερωτευμένο | sevdalı | |
τερείς | κοιτάς | ||
τερούν | κοιτούν | ||
τσίας | σπίθες |