Προβολή Τραγουδιού
Πόντιος εγεννέθα |

Στιχουργοί: Βασίλης Μωυσιάδης
Συνθέτες: Φάνης Κουρουκλίδης
Καλλιτέχνες: Γιάννης Χριστοδουλίδης, Μπάμπης Κεμανετζίδης, Φάνης Κουρουκλίδης
Πόντιος εγεννέθα εγώ σ’ αούτ’ την κοινωνίαν Μ’ έναν τρανόν φιλότιμον κι έναν καλόν καρδίαν Αέτσ’ επλάστα ας σον Θεόν, αέτσ’ ση γην ευρέθα Καμίαν ’κ’ επουσ̌μάνεψα Πόντιος ντ’ εγεννέθα Όλον τον κόσμον αγαπώ, κακόν ντό έν’ ’κι ξέρω και για τον πόνον τ’ αλλουνού κλαίγω και υποφέρω Αέτσ’ επλάστα ας σον Θεόν, αέτσ’ ση γην ευρέθα Καμίαν ’κ’ επουσ̌μάνεψα Πόντιος ντ’ εγεννέθα Τραγωδώ τα ποντιακά και τα καρδίας σ̌κίζω Θερίον είμαι σ’ άδικον και σο καλόν δακρύζω Αέτσ’ επλάστα ας σον Θεόν, αέτσ’ ση γην ευρέθα Καμίαν ’κ’ επουσ̌μάνεψα Πόντιος ντ’ εγεννέθα Την προσβολήν ’κι θέλ’ ατο, ’μπορεί και να ματούμαι Για την πατρίδαν και την πίστ’ πρώτος πάω σκοτούμαι Αέτσ’ επλάστα ας σον Θεόν, αέτσ’ ση γην ευρέθα Καμίαν ’κ’ επουσ̌μάνεψα Πόντιος ντ’ εγεννέθα
Κείμενο | Επεξήγηση | Ετυμ. Ρίζα | Προέλευση |
---|---|---|---|
αέτσ’ | έτσι | ||
αούτ’ | αυτός/ή/ό/ά | ||
εγεννέθα | γεννήθηκα | ||
έν’ | είναι | ||
επλάστα | πλάστηκα, δημιουργήθηκα, εμφανίστηκα | ||
επουσ̌μάνεψα | μετάνιωσα | pişman olmak<paşmān | |
ευρέθα | βρέθηκα | ||
θερίον | θηρίο | ||
’κ’ | δεν | οὐκί<οὐχί | |
καμίαν | ποτέ | ||
καρδίας | (τη, γεν.) καρδιάς, (τα, ονομ. πληθ.) καρδιές | ||
’κι | δεν | οὐκί<οὐχί | |
ματούμαι | ματώνομαι | ||
’μπορεί | (ημπορεί ή εμπορεί) (επιρρ.) μπορεί, ίσως | ||
σκοτούμαι | σκοτώνομαι | ||
τραγωδώ | τραγουδάω |