Τη σεβνταλή το καρδόπον

Προβολή Τραγουδιού

Έταιρον κι η λυγερή | Τραγούδια του Πόντου

Καλλιτέχνες: Γιωργούλης Κουγιουμτζίδης, Στάθης Ευσταθιάδης

Τη σεβνταλή [ξαν] το καρδόπον
πρέπ’ ν’ έχ̌’ παραθυρόπον [νέι]
Από μακρά [ξαν] να φαίνεται
τ’ ατουνού [ξαν] το τερτόπον [νέι]

Ατά τ’ ομμάτι͜α που ελέπ’
πώς να μη παλαλούται; [νέι]
Άψιμον να έν’, καίγεται
κρεμός να έν’, [ξαν] σκοτούται [νέι/ξαν]

Τ’ ομάλι͜α [ξαν] εγώ -ν- εγόμωσα
για τ’ εσέν τραγωδίας
Έλα και βάλεν σπλάχνωσην
σ’ έρημον την καρδία σ’ [νέι]

Γλωσσάρι

Κείμενο	Επεξήγηση	Ετυμ. Ρίζα
ατά	αυτά
ατουνού	αυτουνού
άψιμον	φωτιά
βάλεν	(προστ.) βάλε
εγόμωσα	γέμισα
ελέπ’	βλέπει/βλέπω
έν’	είναι
έχ̌’	έχει
καρδόπον	καρδούλα
κρεμός	γκρεμός
μακρά	(επιρρ.) μακριά, (επιθ.) μακρινά, απομακρυσμένα
ξαν	πάλι, ξανά
ομάλι͜α	(επιρρ.) ομαλά, ευθεία, πεδιάδες, ίσια
ομμάτι͜α	μάτια
παλαλούται	τρελαίνεται
παραθυρόπον	παραθυράκι
πρέπ’	ταιριάζει/ω
σεβνταλή	ερωτοχτυπημένο, ερωτευμένο	sevdalı
σκοτούται	σκοτώνεται
σπλάχνωσην	ευσπλαχνία, συμπόνια
τερτόπον	(υποκορ.) καημός, βάσανο, στενοχώρια	dert
τραγωδίας	τραγούδια