Μανίτσα μ’, δέβα

Προβολή Τραγουδιού

Καλλιτέχνες: Γιώργος Αμαραντίδης, Πόλιος Παπαγιαννίδης

Δύο και δύο τέσσερα,
κάθκα και λογαρία
Τη Μάτσ̌κας τα κορτσόπα
μικρίκα, σεβνταλία

Αν θα πας, μανίτσα μ’, δέβα,
δέβα κι έλα, κλώστ’ ληγάρι͜α
Το κορτσόπον δέβα, φέρον
ντο λιγών’ τα παλληκάρι͜α

Τραπεζούντα, σο τσ̌αρσ̌ί σ’
έχουμε πορτοκάλια
Κουτνίν σπαρέλια λαΐσκουν,
Λύγουνταν παλληκάρι͜α

Αν θα πας, μανίτσα μ’, δέβα,
δέβα κι έλα, κλώστ’ ληγάρι͜α
Το κορτσόπον δέβα, φέρον
ντο λιγών’ τα παλληκάρι͜α

Εμέν η μάνα μ’ είπεν
«’Μαείρεψα φασούλι͜α»
Εγώ -ν- ατά ’κι τρώγω,
να ’ίν’ντανε γουρζούλι͜α

Αν θα πας, μανίτσα μ’, δέβα,
δέβα κι έλα, κλώστ’ ληγάρι͜α
Το κορτσόπον δέβα, φέρον
ντο λιγών’ τα παλληκάρι͜α

Εμέν η μάνα μ’ είπεν
«Υιέ μ’ γουρπάν’ σα κάλλια σ’»
Περιστέρι͜α κελαηδούνε
σ’ έμορφον την εγκάλια σ’

Αν θα πας, μανίτσα μ’, δέβα,
δέβα κι έλα, κλώστ’ ληγάρι͜α
Το κορτσόπον δέβα, φέρον
ντο λιγών’ τα παλληκάρι͜α

Γλωσσάρι

Κείμενο	Επεξήγηση	Ετυμ. Ρίζα
ατά	αυτά
γουρζούλι͜α	φαρμάκια, δηλητηριασμένα φαγητά, δυσκολοχώνευτα/βαριά για το στομάχι
γουρπάν’	θυσία	kurban/ḳurbān
δέβα	(προστ.) πήγαινε
εγκάλια	αγκαλιά
έμορφον	όμορφο
’ίν’ντανε	γίνονται
κάθκα	(προστ.) κάθισε
κάλλια	κάλλη
’κι	δεν	οὐκί<οὐχί
κλώστ’	(προστ.) γύρνα/γύρισε, επέστρεψε
κορτσόπα	κοριτσάκια
κορτσόπον	κοριτσάκι
κουτνίν	ύφασμα βαμβακομέταξο ριγωτό εύχρηστο στα γυναικεία φορέματα
λαΐσκουν	κουνιούνται πέρα-δώθε
ληγάρι͜α	γρήγορα
λιγών’	επιφέρει λιγούρα, προκαλεί τάση για λιποθυμία
λογαρία	(η) λογαριασμός, (προστ.) λογάριασε
λύγουνταν	λιώνουν
Μάτσ̌κας	Ματσούκας
μικρίκα	μικρούλικα, νεαρά
σεβνταλία	ερωτοχτυπημένα, ερωτευμένα, ερωτικά	sevdalı
σπαρέλια	μέρος γυναικείας ενδυμασίας αυτοτελές που χρησιμεύει ως κάλυμμα του στήθους	spalliera
τσ̌αρσ̌ί	παζάρι	çerçi
φέρον	(προστ.) φέρε