Τρυγόνα μου

Προβολή Τραγουδιού

Έταιρον κι η λυγερή | Τραγούδια του Πόντου

Τρυγόνα μου, σην αύλι͜α σου
κείντανε ξερά ξύλα
και -ν- ας σην εμορφάδα σου
ανθούν και φέρ’νε φύλλα

Αηδόνι͜α δεκατέσσερα
σην αύλι͜α σου πετούνε
Κάθαν πουρνόν και για τ’ εσέν,
τρυγόνα μ’, κελαηδούνε

Τριγύλιστα, τριγύλιστα
σην αύλι͜α σ’ εβραδι͜άστα
Εσύ την πόρταν ’κ’ ένοιξες
και με τα δάκρυ͜α εχπάστα

Γλωσσάρι

Κείμενο	Επεξήγηση	Ετυμ. Ρίζα
αύλι͜α	αυλή
εβραδι͜άστα	βραδιάστηκα
εμορφάδα	ομορφιά
ένοιξες	άνοιξες
εχπάστα	αναχώρησα, κίνησα για
’κ’	δεν	οὐκί<οὐχί
κάθαν	κάθε
κείντανε	κείτονται, ξαπλώνουν
πουρνόν	πρωί, πρωινό, επαύριον
τριγύλιστα	τριγύρισα, περιτριγύρισα
τρυγόνα	το πουλί τρυγόνι, χαϊδευτική προσφώνηση γυναίκας
φέρ’νε	φέρνουν