Προβολή Τραγουδιού
Ολόξενη μ’ |
Ολόξενη μ’Στιχουργοί: Αλέξανδρος Παρχαρίδης
Συνθέτες: Γιώργος Ατματσίδης
Καλλιτέχνες: Γιώργος Ατματσίδης, Στάθης Νικολαΐδης
Σον πρόσωπο σ’ που θα τερεί, άψιμον πιάν’ Το φίλεμα σ’ γλυκύν κρασίν άμον κιμιάν Και σ’ εγκαλιόπο σ’ που κείται ’λαφρόν ύπνον ’κι χορτάζ’ Ψαλαφά να στέκ’ ο χρόνον για να μη χαράζ’ Μάισσα είσαι, ολόξενη μ’, έρθα κι εσ̌ασ̌ίρεψα Τη σεβτάς τα μυστικά ’κ’ εκαΐρεψα Τίνος εγκάλιαν θα πλουμί͜εις ποίος να εξέρ’; Ποίον καρδι͜άν θα παλαλώντς και θα δί’ και παίρ’; Και σε ήντιναν τα κάλλια σ’ όλα θα χαρί͜εις ατα; Και ατσ̌ά τίνος τ’ ονέρ’τα θα στολί͜εις ατα; Μάισσα είσαι, ολόξενη μ’, έρθα κι εσ̌ασ̌ίρεψα Τη σεβτάς τα μυστικά ’κ’ εκαΐρεψα Γομούται η γη όντες γελάς όλιον χρώματα Ευκαίρωσον το καρδόπο σ’ κι όλα δώμα ’τα Και θα έχω σε κορώναν σο κιφάλ’ βασιλιακόν Τσ̌ιτσ̌εκόπον ντο ποτίζω κι όλον πουμπουκών’ Μάισσα είσαι, ολόξενη μ’, έρθα κι εσ̌ασ̌ίρεψα Τη σεβτάς τα μυστικά ’κ’ εκαΐρεψα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| ατα | αυτά | ||
| ατσ̌ά | άραγε | acep/ʿaceb | |
| άψιμον | φωτιά | ||
| βασιλιακόν | βασιλικό/ή | ||
| γλυκύν | γλυκιά/ό | ||
| γομούται | γεμίζει, βουρκώνει, κομπιάζει | ||
| δί’ | δίνει | ||
| δί’ και παίρ’ | (εκφ. δίνει και παίρνει) σβήνει κι ανάβει, ενεργεί αλλοπρόσαλλα | ||
| δώμα | οριζόντια σκεπή σπιτιού | ||
| εγκάλιαν | (αιτ.) αγκαλιά | ||
| εγκαλιόπο | αγκαλίτσα | ||
| εκαΐρεψα | προστάτεψα, πρόσεξα κπ | kayırmak | |
| εξέρ’ | ξέρω/ει, γνωρίζω/ει | ||
| έρθα | ήρθα | ||
| εσ̌ασ̌ίρεψα | σάστισα, τα έχασα | şaşırmak | |
| ευκαίρωσον | (προστ.) άδειασε, εκκένωσε | ||
| ήντιναν | όποιον/α/ο | ||
| ’κ’ | δεν | οὐκί<οὐχί | |
| κάλλια | κάλλη | ||
| καρδόπο | καρδούλα | ||
| κείται | κείτεται, ξαπλώνει | ||
| ’κι | δεν | οὐκί<οὐχί | |
| κιμιάν | φυτό μυθικό (το οποίο πιστεύεται ότι μεταβάλει μαγικά το γάλα σε βούτυρο ή ότι θεραπεύει όλες τις αρρώστιες), μτφ. κάτι το εξαιρετικά πολύτιμο ή αγαπητό & γι’ αυτό καλά φυλασσόμενο | kimya/kīmyāʾ<χύμα < χέω | |
| κιφάλ’ | κεφάλι | ||
| μάισσα | μάγισσα | ||
| όλιον | όλο, ολόκληρο | ||
| ολόξενη | τελείως ξένη | ||
| ονέρ’τα | όνειρα | ||
| όντες | όταν | ||
| παίρ’ | παίρνω/ει | ||
| παλαλώντς | τρελαίνεις | ||
| πιάν’ | πιάνει | ||
| πλουμί͜εις | πλουμίζεις, στολίζεις με πλουμίδια, διανθίζεις, καλλωπίζεις | pluma | |
| ποίος | (ερωτημ.) ποιός, (αναφ.αντων.) όποιος | ||
| πουμπουκών’ | βγάζει μπουμπούκια | βόμβυξ | |
| σεβτάς | αγάπης, έρωτα | sevda/sevdā | |
| στολί͜εις | στολίζεις | ||
| τερεί | κοιτάει | ||
| τίνος | ποιού; | ||
| τσ̌ιτσ̌εκόπον | λουλουδάκι | çiçek | |
| φίλεμα | φιλί | ||
| χαρί͜εις | χαρίζεις | ||
| ψαλαφά | ζητάει, αιτείται |
