Ορφανίγα ας σον κύρ’ κι ας ση μάναν

Προβολή Τραγουδιού

Έταιρον κι η λυγερή | Τραγούδια του Πόντου

Ορφανίγα, ορφανίγα
[αμάν, γιαβρί μ’/πουλί μ’!]
ας σον κύρ’ κι ας ση μάναν
Η ορφανία ετυλίεν
[αμάν, πουλί μ’/γιάβρι μ’!]
ση γούλα μ’ άμον ράμμαν

Καρδι͜ά μ’, απαρηγόρετον,
[αμάν, γιαβρί μ’/πουλί μ’!]
πώς να παρηγορώ σε;
Τα τέρτι͜α εσέν έφαγαν
[αμάν, γιαβρί μ’/πουλί μ’!]
και ’κι κατηγορώ σε

Συλλογισμένα πορπατώ
[αμάν, γιαβρί μ’/πουλί μ’!]
τα χ̌έρι͜α μ’ σταυρωμένα
Κανείς κακό να μη παθάν’,
[αμάν, πουλί μ’/γιάβρι μ’!]
ρίζα μ’, άμον εμένα

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απαρηγόρετον	απαρηγόρητη/ο
γιαβρί	μωρό, μικρό, παιδί	yavru
γιάβρι	μωρό, μικρό, παιδί	yavru
γούλα	λαιμός	gula
ετυλίεν	τυλίχθηκε
’κι	δεν	οὐκί<οὐχί
κύρ’	πατέρα
ορφανίγα	ορφάνεψα
παθάν’	παθαίνει
πορπατώ	περπατάω
ράμμαν	χοντρή κλωστή, αρμαθιά καπνών περασμένα σε χοντρή κλωστή
τέρτι͜α	καημοί, βάσανα, στενοχώριες	dert