Κοτσιχτόν

Προβολή Τραγουδιού

Καλλιτέχνες: Γιώργος Ιωαννίδης, Λάζος Ιωαννίδης

Πίνω έναν, πίνω δύο,
πίνω τρία και μεθώ
κι ας ση χ̌έρας το κορτσόπον
να γλυτώνω ’κ’ επορώ

Λάχανα, πουλί μ’, λάχανα
σο πέραν τη μαχαλάν
Με τα χ̌έρι͜α σ’ εποίκες α’, πουλί μ’,
σ’ εμέν μ’ ευρήκ’ς μαχανάν

Το ραχ̌ίν χ̌ι͜ονίεται,
παίρ’ ο ήλιον λύεται
Εγώ τηνάν αγαπώ [πουλί μ’]
σα μακρά -ν- ευρίεται

Λάχανα, πουλί μ’, λάχανα
σο πέραν τη μαχαλάν
Με τα χ̌έρι͜α σ’ εποίκες α’, πουλί μ’,
σ’ εμέν μ’ ευρήκ’ς μαχανάν

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
εποίκες	έκανες, έφτιαξες	ποιέω-ῶ
επορώ	μπορώ
ευρήκ’ς	βρίσκεις
ευρίεται	βρίσκεται
’κ’	δεν	οὐκί<οὐχί
κορτσόπον	κοριτσάκι
λύεται	λιώνει
μακρά	(επιρρ.) μακριά, (επιθ.) μακρινά, απομακρυσμένα
μαχαλάν	γειτονιά	mahalle/maḥalle
μαχανάν	δικαιολογία, άλλοθι	bahane/bahāne<vahānag (μεσ.περσ.)
παίρ’	παίρνω/ει
ραχ̌ίν	βουνό, ράχη
τηνάν	αυτόν/ην που
χ̌έρας	χήρας
χ̌ι͜ονίεται	χιονίζεται