Καλόν κορίτσ’

Προβολή Τραγουδιού

Καλόν κορίτσ’, καλόν κορίτσ’
καλόν κι ευλογημένον
Ση χώραν φαίνεται άσ̌κεμον,
[λελεύ’ ατο!]
σ’ εμέν έν’ φωταγμένον

Καλόν κορίτσ’ εχόρευαν
τ’ έμορφα τα κορτσόπα
Τα κάλλι͜α τουν εσείουσαν
[λελεύ’ ατα!]
άμον μανουσ̌ακόπα

Καλόν κορίτσ’ για χόρεψον,
εσύ, τ’ εμόν φραντάλα
Τ’ αμάραντα μαραίν’, πουλί μ’,
[λελεύ’ ατο!]
και τ’ εσόν η εγκάλια

Καλόν κορίτσ’ για χόρεψον,
εσύ τ’ εμόν αρνόπον
Ατού σ’ άσπρα τα κόλφι͜α σου
[λελεύω σε!]
θα ’φτάγω τσ̌αλιμόπον

Γλωσσάρι

Κείμενο	Επεξήγηση	Ετυμ. Ρίζα
αμάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
άμον	σαν, όπως, καθώς	ἅμα
αρνόπον	αρνάκι, χαϊδευτική προσφώνηση γυναίκας
άσ̌κεμον	άσχημο, κακότροπο
ατα	αυτά
ατού	εκεί (σε τόπο ή σημείο που βρίσκεται σε κάποιο απόσταση)
εγκάλια	αγκαλιά
εμόν	δικός/ή/ό μου	ἐμοῦ
έμορφα	όμορφα
έν’	είναι
εσείουσαν	σείονταν, κουνιόντουσαν πέρα δώθε δυνατά
εσόν	δικός/ή/ό σου
κάλλι͜α	κάλλη
κόλφι͜α	η αγκαλιά, ο κόλπος, το μέρος του σώματος ανάμεσα στους βραχίονες και το στήθος, το στήθος της γυναίκας
κορτσόπα	κοριτσάκια
λελεύ’	χαίρομαι/εται
λελεύω	χαίρομαι
μανουσ̌ακόπα	μενεξέδες/βιολέτες	մանուշակ (manušak)<manafšak
τουν	τους
τσ̌αλιμόπον	(υποκορ.) επιδέξια κίνηση (σε χορό κ.ά.), σκέρτσο, κάμωμα	çalım + -όπον
φραντάλα	γυναίκα πρόσχαρη, πληθωρική γυναίκα
’φτάγω	(ευτάγω) κάνω, φτιάχνω	εὐθειάζω
φωταγμένον	φωτισμένο, λαμπερό
χόρεψον	(προστ.) χόρεψε
χώραν	ξένους, μη οικείους, ξενιτειά