Ανεφορίτ’σσα

Προβολή Τραγουδιού

Εγώ είμαι ας σην Γαλίαναν,
’ς σ’ έναν καλόν χωρίον
Έπαρ’ με σ’ εγκαλιόπο σου,
επέθανα ας σον κρύον

Τ’ αρνόπο μ’ ας σα Πλάτανα
κι εγώ ας σην Τραπεζούνταν
Τ’ εμά τ’ ομμάτι͜α όντας τερούν
τ’ εσά, δάκρυ͜α γομούνταν

Και -ν- έκιτι Γαλίανα
π’ είχ̌εν νερόπα κρύα
Εκεί πολλά, παντέμορφα,
κορτσόπα μερακλία

Εγώ είμαι ας σην Γαλίαναν,
χωρίον Λειβαδέτ’κον
Πρώτα -ν- έμ’νε καλόν παιδίν,
ατώρα είμαι ναλέτ’κον

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
ατώρα	τώρα
γομούνταν	γεμίζουν, βουρκώνουν, κομπιάζουν
εγκαλιόπο	αγκαλίτσα
έκιτι	έκφραση αναπόλησης που υποδηλώνει νοσταλγία για κάτι παρελθοντικό	hey gidi
εμά	δικά μου
έμ’νε	ήμουν
έπαρ’	(προστ.) πάρε
εσά	δικά σου/σας
κορτσόπα	κοριτσάκια
μερακλία	με μεράκι, με ιδιαίτερο ζήλο	meraklı/merāḳ
ναλέτ’κον	ανάξιο, άχρηστο	na-layik
νερόπα	νεράκια
ομμάτι͜α	μάτια
όντας	όταν
παντέμορφα	πανέμορφα
πολλά	(επίθ.) πολλά, (επίρρ.) πολύ
’ς	(ας) από
τερούν	κοιτούν