Διπλόν Γαλίαινας

Προβολή Τραγουδιού

Τρυγόνα μ’, όθεν κέσ’ δι͜αβαίντς
τα στράτας συντρομάζ’νε
Ήντζαν τερεί σον πρόσωπο σ’
τ’ ομμάτι͜α τ’ χαντυλλι͜άζ’νε

Κάθουμαι και περ’μένω σε,
τα σοκάκια σ’ ωρι͜άζω
Πέλκιτι ας καντουρεύω σε,
σ’ οσπίτι μ’ να μονάζω

Ο Θεόν κι αν εδώκε σε
ατό την εμορφίαν,
πασ̌κείμ’ ντο είπε σε να καί͜εις
εσύ ξένον καρδίαν;

Αρνί μ’, θα καταρούμαι σε,
το κρίμα μ’ θα φουρκί͜ει σε
Μετ’ εμέν λες και μασχαρεύ’ς,
με τον άλλον πας κείσαι

Γλωσσάρι

Κείμενο	Επεξήγηση	Ετυμ. Ρίζα
δι͜αβαίντς	(για τόπο) περνάς, διασχίζεις, (για χρόνο) περνάς	διαβαίνω
εδώκε	έδωσε
εμορφίαν	ομορφιά
ήντζαν	οποιοσδήποτε, όποιος / οποιονδήποτε, όποιον
καντουρεύω	ξεγελάω, εξαπατάω, κοροϊδεύω	kandırmak
καταρούμαι	καταριέμαι
κείσαι	κείτεσαι, ξαπλώνεις
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
μασχαρεύ’ς	αστειεύεσαι, διακωμωδείς	maskara/masḫara
μετ’	μαζί με (με αιτιατική), με (τρόπος)
μονάζω	φιλοξενώ για διανυκτέρευση
όθεν	όπου, οπουδήποτε, σε όποιον
ομμάτι͜α	μάτια
οσπίτι	σπίτι	hospitium<hospes
πασ̌κείμ’	μήπως, μήπως (και)	πᾶς καί ἔνι
πέλκιτι	ίσως να, πιθανόν να, μπας και (με την ελπίδα να συμβεί)	belki de
περ’μένω	περιμένω
στράτας	(ονομ.) δρόμοι, (αιτ.) δρόμους
συντρομάζ’νε	τρέμουνε ολόκληροι/ες/α
τερεί	κοιτάει
τρυγόνα	το πουλί τρυγόνι, χαϊδευτική προσφώνηση γυναίκας
φουρκί͜ει	πνίγει
χαντυλλι͜άζ’νε	γαργαλάνε, μτφ. θαμπώνουν
ωρι͜άζω	προσέχω, φυλάω, επιβλέπω