Προβολή Τραγουδιού
Σαρίκουζ |
![Παρχαρί’ ευωδίας](https://backend.pontianlyrics.gr/images/albumImageThumbnails/Album_850_22.webp)
Στιχουργοί: Παραδοσιακό
Συνθέτες: Παραδοσιακό
Καλλιτέχνες: Γεώργιος Βέργος, Λευτέρης Κοκκινίδης
Κορτσόπα ξέρω κάποια αδά ση γειτονίαν Κλαίγ’νε και λέγ’νε «χα! πελιάν, αρ’ χα! τυρα̤ννισία! Επέμ’ναμε ανάντριστα αδά σην ηλικίαν Όλιον ο κόσμον χ̌αίρεται αρ’ με την εμορφι͜άδαν Και τ’ εμόν τ’ αρνίν χ̌αίρεται με το μακρύν την τσάμι͜αν Αρ’ έκαψέ με -ν- η τσάμι͜α σ’ κι η λαμπάδα το πόι σ’ Πουλί μ’, άλλο ’κ’ ευρίεται αρ’ άλλεν ας σο σόι σ’ Ο πρόσωπο σ’ πολλά έμορφον, το πόι σ’ αγγελικόν έν’ Ατό η χωριστέρα σου στράταν βασιλιακόν -ι
Κείμενο | Επεξήγηση | Ετυμ. Ρίζα | Προέλευση |
---|---|---|---|
αδά | εδώ | ||
άλλεν | άλλη | ||
ανάντριστα | χωρίς άντρα, ανύπανδρα | ||
βασιλιακόν | βασιλικό/ή | ||
εμόν | δικός/ή/ό μου | ἐμοῦ | |
εμορφι͜άδαν | ομορφιά | ||
έμορφον | όμορφο | ||
έν’ | είναι | ||
επέμ’ναμε | απομείναμε | ||
ευρίεται | βρίσκεται | ||
’κ’ | δεν | οὐκί<οὐχί | |
κλαίγ’νε | κλαίνε | ||
κορτσόπα | κοριτσάκια | ||
λέγ’νε | λένε | ||
όλιον | όλο, ολόκληρο | ||
πελιάν | βάσανο, σκοτούρα | bela | |
πόι | ύψος, μπόι | boy | |
πολλά | (επίθ.) πολλά, (επίρρ.) πολύ | ||
τσάμι͜α | πλεξούδα | ||
τσάμι͜αν | πλεξούδα | ||
χα! | να!, ορίστε!, ιδού! | ||
χωριστέρα | χωρίστρα |