Ο Γιάννες, ο μονόγιαννες

Προβολή Τραγουδιού

Ο Γιάννες, ο Μονόγιαννες
αρ’ ο μαναχόν ο Γιάννες
Ο Γιάννες επεπίρνιξεν
και σο πεγάδ’ επήεν

Γαργάρισεν τη μαστραπάν,
κι εγνέφισεν ο δράκον
Εξέβεν δράκος, άγγελος
και θέλ’ να τρώει τον Γιάννεν

-Καλώς, καλώς το πρόγεμα μ’,
καλώς το δειλινάρι μ’!
Καλώς ντο τρώγω κι αγνεφώ
και κείμαι και κοιμούμαι

Άφ’ς -ι με, δράκε μ’, άφ’ς -ι με
και καν πέντε-έξ’ ημέρες
Ας πάγω ελέπω τ’ εμετέρτς
κι έρχουμαι, Δράκε μ’, φά’ με

Γλωσσάρι

Κείμενο	Επεξήγηση	Ετυμ. Ρίζα
αγνεφώ	ξυπνώ
άφ’ς	(προστ.) άφησε
γαργάρισεν	(ηχομ. λέξη) έκανε κρότο
δειλινάρι	δείπνο
εγνέφισεν	ξύπνησε
ελέπω	βλέπω
εμετέρτς	ημέτερους, δικούς μου (ανθρώπους)	ἡμέτερος
έξ’	έξω ή ο αριθμός έξι
εξέβεν	βγήκε, ανέβηκε
επεπίρνιξεν	σηκώθηκε πολύ πρωί, σηκώθηκε από ύπνο
επήεν	πήγε
έρχουμαι	έρχομαι
κείμαι	κείτομαι, ξαπλώνω
κοιμούμαι	κοιμάμαι
μαναχόν	(έναρθρο) μοναχός, μοναχό, (επίρρ) μόνο/μοναχά
μαστραπάν	μικρή μεταλλική, πήλινη ή και γυάλινη κανάτα	maşrapa/maşraba
πεγάδ’	βρύση
πρόγεμα	πρόγευμα
φά’	(προστ.) φάε