Ποντιακός Στίχος

Προβολή Τραγουδιού

Κατεβάστε τους στίχους σε PDF

Ο χοβαρτάς

Ποντιακά παραδοσιακάΠοντιακά παραδοσιακά

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιάννης Καραπαναγιωτίδης, Γιάννης Σανίδης


Ο κύρη μ’ έτον χοβαρτάς
κι εγώ έμ’νε το παιδίν ατ’
Ευτάγω και τα έργατα τ’
να παίρω την ευχ̌ήν ατ’

Άμε, μάνα μ’, σο χωρίον,
πούλτσον τη κυρού μ’ το βίον
Πούλτσον φέρον με παράδες
ν’ αγοράζω μακαράδες
Μακαράδες, πιρπιλίτσ̌ι͜α
να κομπώνω τα κορίτσ̌ι͜α

Ο κύρη μ’ εκοπίαζεν
γράμματα να μαθίζ’ με
Ση Χαϊταρλί’¹/χωρί’ μουν τα κορτσόπα
δέσκαλον να καθίζ’ με

Άμε, μάνα, σο χωρίον,
πούλτσον τη κυρού μ’ το βίον
Πούλτσον φέρον με παράδες
ν’ αγοράζω μακαράδες
Μακαράδες, πιρπιλίτσ̌ι͜α
να κομπώνω τα κορίτσ̌ι͜α

Εγώ γράμματα ’κ’ έμαθα
και δέσκαλος ’κ’ εκάτσα
Ση Χαϊταρλί’¹/χωρί’ μουν τα κορτσόπα
το σεβνταλούκ’ εμάτσα

Άμε, μάνα, σο χωρίον,
πούλτσον τη κυρού μ’ το βίον
Πούλτσον φέρον με παράδες
ν’ αγοράζω μακαράδες
Μακαράδες, πιρπιλίτσ̌ι͜α
να κομπώνω τα κορίτσ̌ι͜α
Γλωσσάρι
ΚείμενοΕπεξήγησηΕτυμ. ΡίζαΠροέλευση
άμε(προστ.) σύρε, πήγαινε
βίοντο βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
δέσκαλονδάσκαλο
δέσκαλοςδάσκαλος
εκάτσακάθισα
εκοπίαζενκόπιαζε, μοχθούσε
εμάτσαέμαθα κτ σε κπ, δίδαξα μαθίζω
έμ’νεήμουν
έργαταέργα, προσπάθειες, δουλειές
έτονήταν
ευτάγωκάνω, φτιάχνω εὐθειάζω
’κ’δεν οὐκί<οὐχί
καθίζ’καθίζω/ει κπ
κομπώνωεξαπατώ, ξεγελώ, μτφ. σαγηνεύω κομβόω
κορτσόπακοριτσάκια
κυρούπατέρα
μαθίζ’μαθαίνω/ει κτ σε κπ, διδάσκει
μακαράδεςκουβαρίστρες, μασούρια makara
μουνμας
παίρωπαίρνω
παράδεςλεφτά, χρήματα para/pāre
πιρπιλίτσ̌ι͜αμπιχλιμπίδια
πούλτσον(προστ.) πούλησε
σεβνταλούκ’έρωτας sevdalık
φέρον(προστ.) φέρε
χοβαρτάςάσωτος, σπάταλος, γυναικοθήρας, μοίχος hovarda
χωρί’χωριού
Σημειώσεις
¹ (ή Χαϊδαρλή) Παλιά ονομασία του χωριού Κλείτος Κοζάνης

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr