Ποντιακός Στίχος

Προβολή Τραγουδιού

Κατεβάστε τους στίχους σε PDF

Ο καημένον ο χωρέτες/Τα δάκρυ͜α μ’ τρέχ’νε

Ποντιακά παραδοσιακάΠοντιακά παραδοσιακά

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιάννης Καραπαναγιωτίδης, Γιάννης Σανίδης


Έρθαν οι εμπόρ’ να παίρ’νε
τζ̌άπα τον καπνόν
Τον χωρέτε ’κ’ ερωτούνε
σο λογαριασμόν

Ρίζα μ’, σο Καϊλάρ’¹ εχ̌ι͜όντσεν
κι εσύ ερρίγασες
Τη δουλείας ι-σ’ τ’ υστερνά
’κ’ ελογαρίασες

Ο καημένον ο χωρέτες
πανταλόν’ πα ’κ’ έχ̌’
Κι ας σην εντροπήν ατ’ κείται
σο κρεβάτ’ απέσ’

Ο καημένον ο χωρέτες
ντό θα ’φτάει, ’κ’ εξέρ’
Και τη χαμονής τη στράταν
’ίνεται να παίρ’

Ρίζα μ’, σο Καϊλάρ’¹ εχ̌ι͜όντσεν
κι εσύ ερρίγασες
Τη δουλείας ι-σ’ τ’ υστερνά
’κ’ ελογαρίασες

♫

Τα δά̤κρα̤ μ’ ’κχ̌ύγουν σο ποτήρ’
ντο πίνω για τ’ αρνόπο μ’
[Ντό να ’ίνουμαι; / Θα σκοτώνω σε!]
Φαρμάκ’ ’ίνεται το ρακίν
και φαρμακών’ το ψ̌όπο μ’
[Ντό να ’ίνουμαι; / Θα σκοτώνω σε!]

Ρακίν εμέν μη δί’τε με,
εγώ όντες πίνω, κλαίγω
[Ντό να ’ίνουμαι; / Θα σκοτώνω σε!]
Εγώ όντες τραγωδώ πονώ
και μοιρολόγια λέγω
[Ντό να ’ίνουμαι; / Θα σκοτώνω σε!]
Γλωσσάρι
ΚείμενοΕπεξήγησηΕτυμ. ΡίζαΠροέλευση
απέσ’μέσα
αρνόποαρνάκι, χαϊδευτική προσφώνηση γυναίκας
δά̤κρα̤δάκρυα
δί’τεδίνετε
δουλείας(ονομ. πληθ.) δουλειές, (γεν. ενικ.) δουλειάς
ελογαρίασεςλογάριασες
εμπόρ’έμποροι
εντροπήνντροπή
εξέρ’ξέρω/ει, γνωρίζω/ει
έρθανήρθαν
ερρίγασεςκρύωσες ῥιγέω-ῶ
ερωτούνερωτάνε
έχ̌’έχει
εχ̌ι͜όντσενχιόνισε
’ίνεταιγίνεται
’ίνουμαιγίνομαι
’κ’δεν οὐκί<οὐχί
κείταικείτεται, ξαπλώνει
’κχ̌ύγουνεκχύνοτναι, χύνονται, εκρέουν εκχύνω<ἐγχέω< ἐν + χέω
όντεςόταν
παπάλι, επίσης, ακόμα
παίρ’παίρνω/ει
παίρ’νεπαίρνουν
ρακίναλκοολούχο ποτό που παράγεται από τη ζύμωση φρούτων ή στεμφύλων φρούτων rakı/ˁaraḳī
τζ̌άπατζάμπα, δωρεάν, έναντι ευτελούς αντιτίμου, άδικα, μάταια çaba
τραγωδώτραγουδάω
υστερνάκατοπινά, τελευταία
’φτάει(ευτάει) κάνει, φτιάχνει εὐθειάζω
χαμονήςχαμού
χωρέτεχωριάτη
χωρέτεςχωριάτης
ψ̌όποψυχούλα
Σημειώσεις
¹ (ή Καϊλάρια) Παλιά ονομασία της Πτολεμαΐδας Κοζάνης

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr