Προβολή Τραγουδιού
Της Τρίχας το γεφύριν |

Στιχουργοί: Παραδοσιακό
Συνθέτες: Παραδοσιακό
Καλλιτέχνες: Γιάννης Καραπαναγιωτίδης, Χρήστος Σιαπανίδης
Ακεί πέραν σο Δρακολίμν’ [Έλα, Δάφνε μ’ ποταμέ!] ση Τρίχας το γεφύριν [Ε! Δάφνε μ’ και μυριγμένε] Χ̌ίλι͜οι μαστόροι έχτιζαν [Έλα, Δάφνε μ’ ποταμέ!] και μύριοι μαθητάδες [Ε! Δάφνε μ’ και μυριγμένε] Όλεν την μέραν έχτιζαν, [Έλα, Δάφνε μ’ ποταμέ!] τη νύχταν εχαλάουτον [Ε! Δάφνε μ’ και μυριγμένε] Οι μαστόροι εχ̌αίρουσαν, [Έλα, Δάφνε ποταμέ!] θε να πλεθύν’ η ρόγα [Ε! Δάφνε μ’ και μυριγμένε] Οι μαθητάδες έκλαιγαν, [Έλα, Δάφνε μ’ ποταμέ!] τσί κουβαλεί λιθάρα̤; [Ε! Δάφνε μ’ και μυριγμένε] Κι ατός ο πρωτομάστορας, [Έλα, Δάφνε μ’ ποταμέ!] νουνίζ’ νύχταν κι ημέραν [Ε! Δάφνε μ’ και μυριγμένε] -Ντό δί’ς με, πρωτομάστορα, [Έλα, Δάφνε μ’ ποταμέ!] και στένω το γεφύρι σ’; [Ε! Δάφνε μ’ και μυριγμένε] -Αν δίγω σε τον κύρη μου, [Έλα, Δάφνε μ’ ποταμέ!] άλλο κύρη πα ’κ’ έχω [Ε! Δάφνε μ’ και μυριγμένε] Αν δίγω σε τη μάνα μου, [Έλα, Δάφνε μ’ ποταμέ!] άλλο μάνα πα ’κ’ έχω [Ε! Δάφνε μ’ και μυριγμένε] Αν δίγω σε τ’ αδέλφα̤ μου, [Έλα, Δάφνε μ’ ποταμέ!] άλλα αδέλφα̤ ’κ’ έχω [Ε! Δάφνε μ’ και μυριγμένε] Αν δίγω σε την κάλη μου, [Έλα, Δάφνε μ’ ποταμέ!] καλύτερην ευρήκω! [Ε! Δάφνε μ’ και μυριγμένε]
Κείμενο | Επεξήγηση | Ετυμ. Ρίζα | Προέλευση |
---|---|---|---|
αδέλφα̤ | αδέλφια | ||
ακεί | εκεί | ||
ατός | αυτός | ||
δίγω | δίνω | ||
δί’ς | δίνεις | ||
ευρήκω | βρίσκω | ||
εχ̌αίρουσαν | χαίρονταν | ||
εχαλάουτον | γκρεμιζόταν, χαλιόταν | ||
’κ’ | δεν | οὐκί<οὐχί | |
κάλη | η αγαπητή σύζυγος, η σύζυγος | ||
λιθάρα̤ | λιθάρια, πέτρες | ||
μυριγμένε | ευωδιαστέ | ||
νουνίζ’ | σκέφτεται | ||
όλεν | όλη/ο, ολόκληρη/ο | ||
πα | πάλι, επίσης, ακόμα | ||
πλεθύν’ | πληθαίνει, αυξάνεται | ||
ρόγα | απολαβή, μισθός | ||
στένω | στήνω | ||
τσί | (τις) ποιός; |