Προβολή Τραγουδιού

Πολλά έχω να λέγ’ ατο

Πολλά έχω να λέγ’ ατο,
σα χ̌είλια μ’ είν’ γραμμένα
Θα κάθουμαι και λέ’ ατο
ατό -ν- απ’ έναν-έναν

Ο πρόσωπος σ’ εφώταξεν 
άμον ντο παίρ’ ο ήλιον
Άμον ντο έρ’ται η άνοιξην,
άμον ντ’ ανθεί το φύλλον

Πού έν’ εκείνο το πουλίν
τα παλαλά ντ’ εποίν’νεν;
Έστεκεν κι εκαλάτσ̌ευεν
και το ποράν’ εκχ̌ύνεν

Χαμέλυνον το σ̌κέπαγμα σ’
άλλαξον την πορπάτι͜α σ’
Ελέπ’νε και ζελεύ’νε σε,
πουλόπο μ’, οι δι͜αβάτες

Σο κρεβάτι σ’ ολόερα
πουλόπα κελαηδούνε
Τσ’ αγγέλτς πα -ν- επαλάλωσες,
ατείν’ πα τραγωδούνε

Όντες φορεί και -ν- αναλλάζ’
και σην στράταν εμπαίνει
Εθαρρείς ας σον ουρανόν
άγγελος κατηβαίνει

Γλωσσάρι

Κείμενο	Επεξήγηση	Ετυμ. Ρίζα
αγγέλτς	αγγέλους
άλλαξον	άλλαξε (προστ.)
άμον	σαν, όπως, καθώς
αναλλάζ’	φοράει τα καλά/γιορτινά ρούχα
ατείν’	αυτοί
εθαρρείς	θαρρείς, νομίζεις, υποθέτεις
είν’	είναι (για πληθ.)
εκαλάτσ̌ευεν	μιλούσε	keleci=καλός λόγος (Παλαιά Τουρκική Ανατολίας)
εκχ̌ύνεν	έχυνε
ελέπ’νε	βλέπουνε
έν’	είναι
επαλάλωσες	τρέλανες
εποίν’νεν	έκανε, έφτιαχνε	ποιέω-ῶ
έρ’ται	έρχεται
εφώταξεν	φώτισε
ζελεύ’νε	ζηλεύουν
ολόερα	ολόγυρα
όντες	όταν
πα	πάλι, επίσης
παλαλά	τρελά, τρέλες
πολλά	πολλά (επίθ.), πολύ (επίρ.)
ποράν’	μπόρα, καταιγίδα	boran<βενετ. bora<λατ. Boreas <Βορέας (αντιδάνειο)
πορπάτι͜α	περπατησιά
πουλόπα	πουλάκια
πουλόπο	πουλάκι
πρόσωπος	πρόσωπο
τσ’	(ως τση, άρθρο γεν. ενικού) του/της, (ως τσοι, άρθρο αιτ. πληθ.) τις, (ως ερωτημ. τσί;) ποιός;
χαμέλυνον	χαμήλωσε