Πουλί μ’, πέ’ με ντ’ εποίκα σε

Προβολή Τραγουδιού

Καλλιτέχνες: Γιάννης Καραπαναγιωτίδης, Γιωργούλης Κουγιουμτζίδης

Πουλόπο μ’, πέει ντ’ εποίκα σε
[λελεύω σε!]
αέτσ’ και τυρα̤ννί͜εις με
[ούι! ν’ αηλί και βάι, ξαν, εμέν]
Ντό θέλτς ν’ ευτάω για τ’ εσέν
[λελεύω σε!]
άλλο να μη κλαινί͜εις με -ν;
[ούι! ν’ αηλί και βάι, ξαν, εμέν/
Φύγον κι έλα, πουλί μ’, μετ’ εμέν]

Πουλόπο μ’, ποδεδίζω σε,
[λελεύω σε!]
κλαίω παρακαλώ σε -ν
[ούι! ν’ αηλί και βάι, ξαν, εμέν]
Σην καρδι͜ά μ’ απέσ’ έχω σε,
[λελεύω σε!]
έλα, ξαν να φιλώ σε
[ούι! ν’ αηλί και βάι, ξαν, εμέν/
Φύγον κι έλα, πουλί μ’, μετ’ εμέν]

Πουλόπο μ’, έλα ας λέγω σε,
[λελεύω σε!]
έλα, -ν- ευλογημένον!
[ούι! ν’ αηλί και βάι, ξαν, εμέν]
Κάθκα αδακά και άκ’σον με
[λελεύω σε!]
εμέν τον πονεμένον
[ούι! ν’ αηλί και βάι, ξαν, εμέν/
Φύγον κι έλα, πουλί μ’, μετ’ εμέν]

Γλωσσάρι

Κείμενο	Επεξήγηση	Ετυμ. Ρίζα
αδακά	εδώ κόντα
αέτσ’	έτσι
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
άκ’σον	(προστ.) άκουσε
απέσ’	μέσα
εποίκα	έκανα, έφτιαξα	ποιέω-ῶ
ευτάω	κάνω, φτιάχνω	εὐθειάζω
θέλτς	θέλεις
κάθκα	(προστ.) κάθισε
κλαινί͜εις	κάνεις κάποιον να κλάψει, στενοχωρείς
λελεύω	χαίρομαι
μετ’	μαζί με (με αιτιατική), με (τρόπος)
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ξαν	πάλι, ξανά
πέει	(προστ.) πες
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πουλόπο	πουλάκι
τυρα̤ννί͜εις	τυραννάς, ταλαιπωρείς
φύγον	(προστ.) φύγε