Εγώ μετ’ είναν άγγελον εποίκα συμφωνίαν

Προβολή Τραγουδιού

Εγώ μετ’ είναν άγγελον
εποίκα συμφωνίαν
Να έρ’ται παίρ’ τα ψ̌όπα μουν
τοι δυονών πα μίαν

Χάρε μ’, όντες θα κατηβαίντς
εσύ ψ̌ήα να παίρεις
Εμέν και το μικρόν τ’ αρνί μ’
σβήσον ας σο τεφτέρι σ’

Αρνί μ’, σο κοιμητήρι μου
θέκον απάν’ εικόναν
τον Άγιον Γεώργιον
και τον Αε-Νικόλαν

Σον Άδ’ επήγα ετοίμασα
τον τόπον ντο θα κείμαι
Πουλόπο μ’, έλα μετ’ εμέν
αρ’ μαναχόν αγρείμαι

Γλωσσάρι

Κείμενο	Επεξήγηση	Ετυμ. Ρίζα
αγρείμαι	αγριεύομαι, καταβάλλομαι από ανεξήγητο φόβο
απάν’	πάνω
είναν	έναν, μία
εποίκα	έκανα, έφτιαξα	ποιέω-ῶ
έρ’ται	έρχεται
θέκον	(προστ.) θέσε, τοποθέτησε, βάλε
κατηβαίντς	κατεβαίνεις
κείμαι	κείτομαι, ξαπλώνω
μαναχόν	(έναρθρο) μοναχός, μοναχό, (επίρρ) μόνο/μοναχά
μετ’	μαζί με (με αιτιατική), με (τρόπος)
μίαν	μια φορά
μουν	μας
όντες	όταν
πα	πάλι, επίσης, ακόμα
παίρ’	παίρνω/ει
πουλόπο	πουλάκι
σβήσον	(προστ.) σβήσε
τεφτέρι	σημειωματάριο, τετράδιο	defter/daftar<διφθέρα
τοι	τους/τις
ψ̌ήα	ψυχές, η περιοχή του στέρνου, τα εσώψυχα
ψ̌όπα	ψυχούλες