Σεράντα μήλα κόκκινα

Προβολή Τραγουδιού

Καλλιτέχνες: Δημήτρης Δαμιανίδης, Χορωδία

Σεράντα μήλα κόκκινα [πουλί μ’]
σ’ ένα μαντίλ’ δεμένα
Σεράντα σέβντας κι αν ευτάς [ρίζα μ’]
’κ’ ευρήκ’ς άμον εμένα

Για έλα, έλα, πουλί μ’,
μετ’ εμέν έλα, γιαβρί μ’
Το νόστιμον το τέρεμα σ’, πουλί μ’
θα σύρ’ και παίρ’ τ’ αχούλι μ’

Τ’ ομμάτι͜α σ’ ας σον ουρανόν [πουλί μ’]
άστρα̤ πα κατηβάζ’νε
Πόσα καρδόπα έκαψες [ρίζα μ’]
και πόσα αναστενάζ’νε;

Για έλα, έλα, πουλί μ’,
μετ’ εμέν έλα, γιαβρί μ’
Το νόστιμον το τέρεμα σ’, πουλί μ’
θα σύρ’ και παίρ’ τ’ αχούλι μ’

Σεράντα μήλα κόκκινα [πουλί μ’]
ση σειράν τιζεμένα
Έπαρ’, αρνόπο μ’, τη στράταν [ρίζα μ’]
ντο θα φέρ’ -τ- σε σ’ εμένα

Για έλα, έλα, πουλί μ’,
μετ’ εμέν έλα, γιαβρί μ’
Το νόστιμον το τέρεμα σ’, πουλί μ’
θα σύρ’ και παίρ’ τ’ αχούλι μ’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αναστενάζ’νε	αναστενάζουν
αρνόπο	αρνάκι, χαϊδευτική προσφώνηση γυναίκας
αχούλι	μυαλό	akıl/ʿaḳl
γιαβρί	μωρό, μικρό, παιδί	yavru
έπαρ’	(προστ.) πάρε
ευρήκ’ς	βρίσκεις
ευτάς	κάνεις, φτιάχνεις	εὐθειάζω
’κ’	δεν	οὐκί<οὐχί
καρδόπα	καρδούλες
κατηβάζ’νε	κατεβάζουν
μετ’	μαζί με (με αιτιατική), με (τρόπος)
ομμάτι͜α	μάτια
πα	πάλι, επίσης, ακόμα
παίρ’	παίρνω/ει
σέβντας	(πληθ. τα) αγάπες, έρωτες	sevda/sevdā
σεράντα	σαράντα
σύρ’	σύρω/ει, τραβάω/ει, ρίχνω/ει
τέρεμα	βλέμμα
τιζεμένα	αραδιασμένα, βαλμένα στη σειρά	dizmek
φέρ’	φέρνω/ει