Ποντιακός Στίχος

Προβολή Τραγουδιού

Κατεβάστε τους στίχους σε PDF

Μωρά εμείς ελάσκουμ’νες

Πόντος - Καρς - ΕλλάςΠόντος - Καρς - Ελλάς

Στιχουργοί: Βασίλειος Ντιμερτζίδης

Συνθέτες: Παραδοσιακό

Καλλιτέχνες: Ιορδάνης Σαλονικίδης, Λάζος Σαλονικίδης


Τα χρόνια ντο εζήν’ναμε
φτωχά, βασανισμένα
[ντό να ’ίνουμαι;]
Μωρά εμείς ελάσκουμ’νες
’ξυπόλ’τα, πεινασμένα
[ντό να ’ίνουμαι;]

Την εφτωχ̌εία εσύρ’ναμε,
τα βάσανα, τα πόνια
[ντό να ’ίνουμαι;]
Όλεν τη μέραν σο χωράφ’,
σα βρεχ̌ία, σα χ̌ι͜όνια
[ντό να ’ίνουμαι;]

Η νεγκασία ετσ̌όκευεν
σ’ εμέτερα τ’ ωμία
[ντό να ’ίνουμαι;]
Τακάτ’ ’κ’ είχαμ’ να παίζομε
με τ’ άλλα τα παιδία
[ντό να ’ίνουμαι;]

Ατώρα όλια εδέβανε
έρθανε καλά χρόνια
[ντό να ’ίνουμαι;]
Ολόερα μουν κι άλλο πολλά
τέρτι͜α, πίκρας και πόνια
[ντό να ’ίνουμαι;]
Γλωσσάρι
ΚείμενοΕπεξήγησηΕτυμ. ΡίζαΠροέλευση
ατώρατώρα
βρεχ̌ίαβροχές
εδέβανε(για τόπο) πέρασαν, διέσχισαν (για χρόνο) πέρασαν διαβαίνω
εζήν’ναμεζούσαμε
ελάσκουμ’νεςπεριφερόμασταν, τριγυρνούσαμε, περιπλανιόμασταν ἀλάομαι/ηλάσκω
εμέτεραδικά μου/μας ἡμέτερος
έρθανεήρθαν
εσύρ’ναμεσέρναμε, τραβούσαμε, ρίχναμε
ετσ̌όκευενκατέπιπτε, επικαθόταν, έκλινε υπό το βάρος çökmek
εφτωχ̌είαφτώχεια
’ίνουμαιγίνομαι
’κ’δεν οὐκί<οὐχί
κι άλλο πολλάπερισσότερο, παραπάνω
μουνμας
νεγκασίακούραση
όλενόλη/ο, ολόκληρη/ο
όλιαόλα
ολόεραολόγυρα
παιδίαπαιδιά
πίκραςπίκρες
πολλά(επίθ.) πολλά, (επίρρ.) πολύ
πόνια(ονομ.) πόνοι, (αιτ.) πόνους
τακάτ’δύναμη, αντοχή takat/ṭāḳat
τέρτι͜ακαημοί, βάσανα, στενοχώριες dert
ωμίαώμοι

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15816
Επικοινωνία: infoDUMMY@pontianlyrics.gr