Προβολή Τραγουδιού
Κορτσόπον ανημέρωτον |
Καρδίας ανοιγάρ’Στιχουργοί: Παραδοσιακό
Συνθέτες: Παραδοσιακό
Καλλιτέχνες: Κώστας Σιαμίδης, Σωκράτης Κυψελίδης
Κορτσόπον ανημέρωτον, τερώ σε απέσ’ σ’ ομμάτι͜α Σα μὲσα σ’ να τυλίγουμαι τέσσερα-πέντε κὰτι͜α Και νε ρίζα μ’, νε στερέα μ’! Κορτσόπον ανημέρωτον τα μαλλόπα σ’ δελιάουν Σον πρόσωπο σ’ καρσ̌ί π’ έρ’ται τ’ ομμάτι͜α τ’ χαντυλλιάουν Και νε ρίζα μ’, νε στερέα μ’! Κορτσόπον ανημέρωτον η καρδι͜ά σ’ δί’ και παίρει Τ’ έναν ημέραν χ̌ειμωγκόντς και τ’ άλλο καλοκαίρι Και νε ρίζα μ’, νε στερέα μ’! Λιθάρι͜α σ̌κίζ’ το τέρεμα σ’, άψιμον βγάλλ’ τ’ ομμάτι σ’ Εμέναν εθανάτωσεν τ’ άπιστον το ινάτι σ’ Και νε ρίζα μ’, νε στερέα μ’!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ανημέρωτον | μη εξημερωμένο | ||
| απέσ’ | μέσα | ||
| άψιμον | φωτιά | ||
| δελιάουν | περιπλέκονται, μπερδεύονται, σκοντάφτουν | θηλιάζω<θῆλυς | |
| δί’ | δίνει | ||
| δί’ και παίρει | (εκφ. δίνει και παίρνει) σβήνει και ανάβει, ενεργεί αλλοπρόσαλλα | ||
| έρ’ται | έρχεται | ||
| ινάτι | γινάτι, πείσμα | inat/ʿinād | |
| καρσ̌ί | απέναντι | karşı | |
| κὰτι͜α | επίπεδα, στρώσεις, σωροί | kat | |
| κορτσόπον | κοριτσάκι | ||
| λιθάρι͜α | λιθάρια, πέτρες | ||
| μαλλόπα | μαλλάκια | ||
| μὲσα | (τα) η μέση | ||
| ομμάτι | μάτι | ὀμμάτιον | |
| ομμάτι͜α | μάτια | ||
| σ̌κίζ’ | σκίζω/ει | ||
| στερέα | στήριγμα | ||
| τέρεμα | βλέμμα | ||
| τερώ | κοιτώ | ||
| τυλίγουμαι | τυλίγομαι | ||
| χ̌ειμωγκόντς | χειμώνας | ||
| χαντυλλιάουν | γαργαλιούνται, μτφ. θαμπώνονται |
