Τ’ Ανηφορίτ’σσας

Προβολή Τραγουδιού

Εσκάλωσεν ο λυριτζ̌ής
να παίζ’ τ’ Ανηφορίτ’σσας
Κι ασ’ όλια εμπροστά χορεύ’
το μικρόν τη χ̌ορίτσας

Τ’ Ανηφορίτ’σσας έν’ καλόν
Γαλίαινας χορόν -ι
Χ̌ορίτσα μ’, το κορτσόπο σου
εμέν θα παλαλώνει

Τ’ Ανηφορίτ’σσας χορεύ’νε
κορτσόπα, παλληκάρι͜α
Πιάσκουνταν χ̌έρ’ με το χ̌έρ’
και γίν’ντανε ζευγάρι͜α

Παίζ’ η λύρα, κρούει το ταούλ’
κι ούλ’ εντάμαν χορεύ’νε
Τη κοριτσί’ τ’ ομματόπα
παλληκάρι͜α μαεύ’νε

Γλωσσάρι

Κείμενο	Επεξήγηση	Ετυμ. Ρίζα
ασ’	από
γίν’ντανε	γίνονται
εμπροστά	μπροστά, πρωτύτερα
έν’	είναι
εντάμαν	μαζί
εσκάλωσεν	ξεκίνησε, άρχισε, εκκίνησε ένα έργο/δουλειά
κοριτσί’	κοριτσιού
κορτσόπα	κοριτσάκια
κορτσόπο	κοριτσάκι
κρούει	χτυπάει	κρούω
μαεύ’νε	μαγεύουν
όλια	όλα
ομματόπα	ματάκια
ούλ’	όλοι
παίζ’	παίζω/παίζει
παλαλώνει	τρελαίνει κπ
πιάσκουνταν	πιάνονται
ταούλ’	νταούλι	davul/ṭabl
χ̌έρ’	χέρι
χ̌ορίτσα	χηρούλα
χ̌ορίτσας	χηρούλας
χορεύ’	χορεύω/ει
χορεύ’νε	χορεύουν