Παιδία, τραγωδέστεν

Προβολή Τραγουδιού

Καλλιτέχνες: Αντώνης Νικηφορίδης, Γιώργος Ορφανίδης

Παιδία, την τραγωδίαν
εντάμαν αρχινέστεν
Κι ατό ντο λέγ’νε «παρακάθ’»
και «μουχαπέτ’» γουρέψτεν

Παιδία, τραγωδέστεν
κι εντάμαν ούλ’ χορέψτεν
Πόσον μικρόν έν’ η ζωή
ολόερα τερέστεν

Ντο έχ̌ετεν σην καρδίαν
τραγωδεστά πετέστεν
Σεβντάδες και πονέματα
σ’ ομμάτι͜α απέσ’ τερέστεν

Παιδία, τραγωδέστεν
κι εντάμαν ούλ’ χορέψτεν
Πόσον μικρόν έν’ η ζωή
ολόερα τερέστεν

Η λύρα εξέρ’ τα μυστικά
ντο ’κι λαλεί το στόμαν
Παράδας μη γουεύετεν
όλι͜α θα τρώει το χώμαν

Παιδία, τραγωδέστεν
κι εντάμαν ούλ’ χορέψτεν
Πόσον μικρόν έν’ η ζωή
ολόερα τερέστεν

Παιδία, τραγωδέστεν
κι εντάμαν ούλ’ χορέψτεν
Πόσον μικρόν έν’ η ζωή
ολόερα τερέστεν

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
γουεύετεν	λυπάστε, δείχνετε έλεος, τσιγκουνεύεστε	kıymak
γουρέψτεν	(προστ.) στήστε, τακτοποιήστε, οργανώστε	kurmak
έν’	είναι
εντάμαν	μαζί
εξέρ’	ξέρω/ει, γνωρίζω/ει
έχ̌ετεν	έχετε
’κι	δεν	οὐκί<οὐχί
λαλεί	βγάζει λαλιά, καλεί, αποκαλεί, προσκαλεί, οδηγεί
λέγ’νε	λένε
μουχαπέτ’	κουβέντα, φιλική συνομιλία, συνεκδ. φιλική συνεστίαση (συνήθως μετά μουσικής)	muhabbet/maḥabbet
ολόερα	ολόγυρα
ομμάτι͜α	μάτια
ούλ’	όλοι
παιδία	παιδιά
παράδας	χρήματα, λεφτά	para/pāre
παρακάθ’	συνάθροιση, ολονυχτία
πετέστεν	(προστ.) πείτε
σεβντάδες	έρωτες	sevda/sevdā
τερέστεν	(προστ.) κοιτάξτε
τραγωδεστά	τραγουδιστά
τραγωδέστεν	(προστ.) τραγουδήστε
τραγωδίαν	τραγούδι
χορέψτεν	(προστ.) χορέψτε