Αητέντς επαραπέτανεν

Προβολή Τραγουδιού

Αητέντς επαραπέτανεν
ψηλά σα επουράνι͜α
[Ούι! αμάν! αμάν! (x2)]
Και τα τσ̌αγγία τ’ κόκκινα
και το τσ̌αρκούλ’ν ατ’ μαύρον
[Ούι! αμάν! αμάν! (x2)]
Κι εβάστανεν σα κάντζι͜α του
παλληκαρί’ βραχ̌ιόναν
[Ούι! αμάν! αμάν! (x2)]

-Αητέ μ’, για δος μ’ ας σο κρατείς
για πέει με όθεν κείται
[Ούι! αμάν! αμάν! (x2)]

-Ας σο κρατώ ’κι δίγω σε
αρ’ όθεν κείται λέγω
[Ούι! αμάν! αμάν! (x2)]
Ακεί σο πέραν το ραχ̌ίν
σ’ ελάτι͜α επεκεί μέρος
[Ούι! αμάν! αμάν! (x2)]
Τραντέλλεναν εσκότωσαν
και κείται ματωμένος
[Ούι! αμάν! αμάν! (x2)]
Μαύρα πουλία τρώγ’ν’ ατον
και -ν- άσπρα τριυλίσκουν
[Ούι! αμάν! αμάν! (x2)]

-Φατέστεν, πουλία μ’, φατέστεν
Φατέστεν τον καρίπην
[Ούι! αμάν! αμάν! (x2)]
Ση θάλασσαν κολυμπετής,
σ’ ομάλι͜α πεχλιβάνος
[Ούι! αμάν! αμάν! (x2)]
Σον πόλεμον Τραντέλλενας,
Ρωμαίικον παλληκάριν
[Ούι! αμάν! αμάν! (x2)]

Γλωσσάρι

Κείμενο	Επεξήγηση	Ετυμ. Ρίζα
αητέντς	αητός
ακεί	εκεί
δίγω	δίνω
δος	δώσε
ελάτι͜α	έλατα
επαραπέτανεν	παραπετούσε, πετούσε πολλή ώρα ή πολύ ψηλά
επεκεί	από εκεί, από τότε, ύστερα, κατόπιν
κάντζι͜α	νύχια	kanca<ganzo (βενετ.)<γαμψός ή ganskyos=κλαδί (πρωτοκελτικά)
καρίπην	ξένο, μοναχικό, φτωχό, ανήμπορο	garip/ġarīb
κείται	κείτεται, ξαπλώνει
’κι	δεν	οὐκί<οὐχί
κολυμπετής	κολυμβητής
όθεν	όπου, οπουδήποτε, σε όποιον
ομάλι͜α	(επιρρ.) ομαλά, ευθεία, πεδιάδες, ίσια
παλληκαρί’	παλληκαριού	παλληκάριον<πάλληξ, πάλλαξ
πέει	(προστ.) πες
πεχλιβάνος	κυρ. παλαιστής, μτφ. παλληκάρι, ανδρειωμένος	pehlivan/pehlevān
ραχ̌ίν	βουνό, ράχη
ρωμαίικον	αυτό που είναι των Ρωμιών, ελληνικό
Τραντέλλεναν	τριάντα φορές Έλληνα
Τραντέλλενας	ο τριάντα φορές Έλληνας
τριυλίσκουν	τριγυρίζουν
τρώγ’ν’	τρώνε
τσ̌αγγία	είδος μαλακού περσικού (παρθικού) υποδήματος από τη βυζαντινή περίοδο και εξής, το οποίο αναφερόταν σε υπόδημα ψηλό μέχρι τα γόνατα (μπότα) από ερυθρό δέρμα που προσαρμοζόταν στην κνήμη με κορδόνια	τζάγγα/τζαγγή ή τζαγγίον/zanca~zanga
τσ̌αρκούλ’ν	γυναικεία καλύπτρα, λειρί πτηνού
φατέστεν	(προστ.) φάτε