Μη λέτε με για παντρειά

Προβολή Τραγουδιού

Στιχουργοί: Ανέστης Μωυσής, Βασίλης Μωυσιάδης

Μη λέτε με για παντρειά
και για στεφάν’ καμίαν
Πουλόπον είδες να μη θέλ’
ατό ελευθερίαν;

Έναν ο πόνον τη πεκιάρ’
μη λέτε με καημένον
Έναν που ’κ’ επαντρεύτα εγώ
και χιλιοπαντρεμένον

Κάποιος είπεν τη μάνα μ’
«Υπάντρεψον τον γιο σ’ -ις
Τα χρόνι͜α τ’ επερίσσεψαν
μη κείται μαναχός» -ι

Χ̌ίλια φοράς ανύπαντρος,
ελεύθερος να είσαι
Με τα κορτσόπα τ’ έμορφα
να σ’κούσαι και να κείσαι

Γλωσσάρι

Κείμενο	Επεξήγηση	Ετυμ. Ρίζα
έμορφα	όμορφα
επαντρεύτα	παντρεύτηκα
’κ’	δεν	οὐκί<οὐχί
καμίαν	ποτέ
κείσαι	κείτεσαι, ξαπλώνεις
κείται	κείτεται, ξαπλώνει
κορτσόπα	κοριτσάκια
μαναχός	μοναχός, μόνος
πεκιάρ’	(γεν. αιτ. ενικ.) εργένη, (ονομ. πληθ.) εργένηδες	bekâr/bekār
πουλόπον	πουλάκι
σ’κούσαι	σηκώνεσαι
υπάντρεψον	(προστ.) πάντρεψε
φοράς	φορές

Σημειώσεις

3ο δίστιχο του Ανέστη Μωυσή