Μη φοάσαι τη σεβντάν

Έλα να λελεύω σε,
εγώ εσέν θέλω σε
Ας σον κύρ’ -τ- σ’ κι ας ση μάνα σ’
εγώ γουρταρεύω σε

Μη φοάσαι τη σεβντάν
ατό έν’ γλυκύν πελι͜άν
Μ’ έναν ματοτέρεμα σ’
δί’ς σο καρδόπο μ’ χαράν

Έλα να φιλι͜άσκουμες
εντάμαν να λάσκουμες
Να μη παίρ’ν’ ατο χαπέρ’
όντες θ’ αγκαλι͜άσκουμες

Μη φοάσαι τη σεβντάν
ατό έν’ γλυκύν πελι͜άν
Μ’ έναν ματοτέρεμα σ’
δί’ς σο καρδόπο μ’ χαράν

Έλα ας μονάζω σε,
’λίγον ας χορτάζω σε
Ας σα τέρτι͜α σ’ τα πολλά,
ψ̌η μ’, ν’ απονεγκάζω σε

Μη φοάσαι τη σεβντάν
ατό έν’ γλυκύν πελι͜άν
Μ’ έναν ματοτέρεμα σ’
δί’ς σο καρδόπο μ’ χαράν