Εγάπανες και ’κ’ εξέρ’να

Προβολή Τραγουδιού

Καλλιτέχνες: Γιάννης Τσανασίδης, Στέργιος Ζημπιλιάδης

Εγάπανες και ’κ’ εξέρ’να,
εθέλ’νες και ’κ’ εθέλ’να
Και τη στράτα μ’ ωρίαζες
όθεν κέσ’ εδεβαίν’να

Εμέν όντες ’κ’ εγάπανες,
αρνί μ’, όντες ’κ’ εθέλ’νες
αφκά σον πολυέλαιον
μετ’ εμέναν ντ’ επέγ’νες;

Αροθυμία σ’ θα τρώει με,
εγάπ’ σ’ θα τσ̌ουρουεύ’ με
Έναν πουλόπον στείλον με
τιδέν ας έρ’ται λέει με

Αν αποθάνω, τρυγόνα μ’,
μη σύρτς απάν’ ι-μ’ χώμαν
Έπαρ’ οπίσ’ το σάβανο μ’
και φίλ’ με απέσ’ σο στόμαν

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
αποθάνω	πεθαίνω
αροθυμία	νοσταλγία
αφκά	κάτω
εγάπ’	αγάπη
εγάπανες	αγαπούσες
εδεβαίν’να	(για τόπο) περνούσα, διέσχιζα (για χρόνο) περνούσα	διαβαίνω
εθέλ’να	ήθελα
εθέλ’νες	ήθελες
εξέρ’να	ήξερα, γνώριζα
έπαρ’	(προστ.) πάρε
επέγ’νες	πήγαινες
έρ’ται	έρχεται
’κ’	δεν	οὐκί<οὐχί
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
μετ’	μαζί με (με αιτιατική), με (τρόπος)
όθεν	όπου, οπουδήποτε, σε όποιον
όντες	όταν
οπίσ’	πίσω
πουλόπον	πουλάκι
στείλον	(προστ.) στείλε
σύρτς	σέρνεις, τραβάς, ρίχνεις
τιδέν	τίποτα
τρυγόνα	το πουλί τρυγόνι, χαϊδευτική προσφώνηση γυναίκας
τσ̌ουρουεύ’	σαπίζει, λιώνει, φθείρειται	çürümek
φίλ’	(προστ. φιλώ) φίλα, (πληθ. φίλον) φίλοι
ωρίαζες	πρόσεχες, φύλαγες, επέβλεπες