Ποντιακός Στίχος

Προβολή Τραγουδιού

Κατεβάστε τους στίχους σε PDF

Τραγώδ’, πουλί μ’, τα τερτόπα σ’

Τραγώδ’, πουλί μ’, τα τερτόπα σ’Τραγώδ’, πουλί μ’, τα τερτόπα σ’

Στιχουργοί: Κωνσταντίνα Αβραμίδου

Συνθέτες: Παραδοσιακό

Καλλιτέχνες: Κώστας Φόρτσας, Σεραφείμ Μαρμαρίδης


Τραγώδ’, πουλόπο μ’, τα τέρτι͜α σ’
τα άνθι͜α να μαραίν’νταν
Τα φυλλωμένα τα δεντρά
ατά πα να ξεραίν’νταν

Να στέκ’νε όλι͜α έρημα
τ’ ουράνι͜α να ευκαιρούνταν
Όλια τη γης τα υπάρχοντα
ν’ αποθεμελιούνταν

Τραγώδ’, πουλί μ’, τα τερτόπα σ’
τα πόνι͜α σ’ ν’ ακουσκούνταν
Όλια τα ποταμόνερα
να έρ’τανε τσουρούνταν

Να στέκ’νε όλι͜α έρημα
τ’ ουράνι͜α να ευκαιρούνταν
Όλια τη γης τα υπάρχοντα
ν’ αποθεμελιούνταν

Τραγώδ’ κι ας αφουκρούντανε
τα ψηλά τα ραχ̌ία
Να χαμελύν’νε ας σον καημόν
ντο κείται σην καρδία σ’

Να στέκ’νε όλι͜α έρημα
τ’ ουράνι͜α να ευκαιρούνταν
Όλια τη γης τα υπάρχοντα
ν’ αποθεμελιούνταν

Πέλκι ιεύ’νε μετ’ εσέν
και την τυρα̤ννισία σ’
Τραγώδ’, πουλί μ’, τα τερτόπα σ’
ν’ ακούνε την λαλία σ’

Να στέκ’νε όλι͜α έρημα
τ’ ουράνι͜α να ευκαιρούνταν
Όλια τη γης τα υπάρχοντα
ν’ αποθεμελιούνταν
Γλωσσάρι
ΚείμενοΕπεξήγησηΕτυμ. ΡίζαΠροέλευση
ακουσκούντανακούγονται
άνθι͜αάνθη
αποθεμελιούντανξεθεμελιώνονται, μτφ. καταστρέφονται ολοσχερώς
ατάαυτά
αφουκρούντανεαφουγκράζονται
έρ’τανεέρχονται
ευκαιρούνταναδειάζουν
ιεύ’νεταιριάζουν uymak
κείταικείτεται, ξαπλώνει
λαλίαλαλιά, φωνή
μαραίν’ντανμαραίνονται
μετ’μαζί με (με αιτιατική), με (τρόπος)
ξεραίν’ντανξεραίνονται
όλιαόλα
παπάλι, επίσης, ακόμα
πέλκιίσως να, πιθανόν να, μπας και (με την ελπίδα να συμβεί) belki (αραβ. bel+ περσ. ki)
πόνι͜απόνοι
πουλόποπουλάκι
ραχ̌ίαράχες, βουνά
στέκ’νεστέκουν
τέρτι͜ακαημοί, βάσανα, στενοχώριες dert
τερτόπα(υποκορ.) καημοί, βάσανα, στενοχώριες dert
τραγώδ’(προστ.) τραγούδησε
τσουρούντανστερεύουν, στραγγίζονται σειρώ=εκκενώνω, αδειάζω
χαμελύν’νεχαμηλώνουν

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15816
Επικοινωνία: infoDUMMY@pontianlyrics.gr