Προβολή Τραγουδιού
Γεράν ’κ’ είχα κι εποίκα ’το |

Στιχουργοί: Έλενα Μπουτσικάρη, Σεραφείμ Μαρμαρίδης
Συνθέτες: Παραδοσιακό
Καλλιτέχνες: Σεραφείμ Μαρμαρίδης
Γεράν ’κ’ είχα κι εποίκα ’το κι ατώρα ’κι λαρούται Κρύφκεται άμα σο τέρεμα σ’ τ’ άπιστον φανερούται Έρ’ται τη νύχταν σ’ όρωμα μ’ το ψ̌όπο μ’ να ματώνει Μονάζ’ απέσ’ σο καρδόπο μ’, τ’ ομματόπα μ’ θολώνει Σεβτι͜άν ντό έν’ ’κι ’ξέρετε, θαρρείς ’κι τσ̌ίζ’ κανέναν Σουμών’ και παλαλών’, αρνί μ’, τ’ ανθρώπ’ς απ’ έναν - έναν Αφήν’ καρδόπα ακράνοιχτα βαρι͜αροθυμι͜αγμένα Αν θέλ’ παρχάρι͜α πρασινίζ’, ραχ̌ι͜ά αποχλοϊσμένα
Κείμενο | Επεξήγηση | Ετυμ. Ρίζα | Προέλευση |
---|---|---|---|
ακράνοιχτα | μισάνοιχτα | ||
ανθρώπ’ς | ανθρώπους | ||
απέσ’ | μέσα | ||
αποχλοϊσμένα | που έχουν χάσει την χλόη, μτφ. ξεθωριασμένα, χωρίς χρώμα | ||
ατώρα | τώρα | ||
αφήν’ | αφήνει | ||
βαρι͜αροθυμι͜αγμένα | που τα έχει καταλάβει μεγάλη νοσταλγία | ||
γεράν | πληγή, τραύμα | yara | |
έν’ | είναι | ||
εποίκα | έκανα, έφτιαξα | ποιέω-ῶ | |
έρ’ται | έρχεται | ||
’κ’ | δεν | οὐκί<οὐχί | |
καρδόπα | καρδούλες | ||
καρδόπο | καρδούλα | ||
’κι | δεν | οὐκί<οὐχί | |
κρύφκεται | κρύβεται | ||
λαρούται | γιατρεύεται, θεραπεύεται | ||
μονάζ’ | φιλοξενώ/εί κάποιον για διανυκτέρευση, φιλοξενείται | ||
ομματόπα | ματάκια | ||
όρωμα | όνειρο | ||
παλαλών’ | τρελαίνει | ||
παρχάρι͜α | ορεινοί τόποι θερινής βοσκής | ||
ραχ̌ι͜ά | ράχες, βουνά | ||
σεβτι͜άν | έρωτα, αγάπη | sevda/sevdā | |
σουμών’ | σιμώνει, πλησιάζει | ||
τέρεμα | βλέμμα | ||
’το | αυτό, το (προσωπική αντωνυμία) | ||
τσ̌ίζ’ | λυπάμαι/ται, συμπονώ/εί | σίζω | |
φανερούται | φανερώνεται | ||
ψ̌όπο | ψυχούλα |