Εσύ εμέναν έλεες

Προβολή Τραγουδιού

Καλλιτέχνες: Βασίλης Τοπαλίδης, Γιάννης Τσανασίδης

Εσύ εμέναν έλεες,
«καν’νάν ’κι καλατσ̌εύω»
Με τ’ ομματόπα μ’ είδα σε
τον Θεό σ’ ’κ’ ινιανεύω

Γιαβρί μ’, εσέναν ντ’ αγαπώ,
αν ίσως λέγω ψέμαν
Το χώμαν ντο καταπατείς
να σύρ’ και πίν’ το αίμα μ’

Έλα να ποδεδίζω σε!
Μετ’ εμέν έλα, πουλί μ’!
Το νόστιμον η καλατσ̌ή σ’
θα σύρ’ και παίρ’ τ’ αχούλι μ’

Τ’ αρνόπο μ’ κείται -ν- άρρωστον
κι εγώ σύρω τα πόνια
Θεέ μ’, κόψον και δος ατο
τ’ εμά τ’ ημ’σά τα χρόνια

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
αχούλι	μυαλό	akıl/ʿaḳl
γιαβρί	μωρό, μικρό, παιδί	yavru
δος	δώσε
έλεες	έλεγες
εμά	δικά μου
ημ’σά	μισά
ινιανεύω	πιστεύω, εμπιστεύομαι	inanmak
’κ’	δεν	οὐκί<οὐχί
καλατσ̌εύω	μιλάω, συνομιλώ, συζητώ	keleci=καλός λόγος (Παλαιά Τουρκική Ανατολίας)
καλατσ̌ή	ομιλία, συνομιλία, συζήτηση	keleci=καλός λόγος (Παλαιά Τουρκική Ανατολίας)
καν’νάν	κανέναν
κείται	κείτεται, ξαπλώνει
’κι	δεν	οὐκί<οὐχί
κόψον	(προστ.) κόψε
μετ’	μαζί με (με αιτιατική), με (τρόπος)
να ποδεδίζω	να χαρώ κπ
ομματόπα	ματάκια
παίρ’	παίρνω/ει
πίν’	πίνει
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πόνια	(ονομ.) πόνοι, (αιτ.) πόνους
σύρ’	σύρω/ει, τραβάω/ει, ρίχνω/ει
σύρω	σέρνω, τραβώ, ρίχνω