Μανίτσα μ’, εσέν ’κι αλλάζω

Προβολή Τραγουδιού

Καλλιτέχνες: Ανέστης Αθανασιάδης, Γιώτης Γαβριηλίδης

Για τ’ εμέν ντό πόνι͜α η μάνα μ’
ση ζωήν επέρασεν
Και καλόν ημέραν ’κ’ είδεν
έρθεν και -ν- εγέρασεν

Για τη κοσμί’ το χατίρ’
ατέν εφαρμάκωσα
Το πονεμένον την ψ̌ην ατ’ς
εγώ πώς εμάτωσα!

Επουσ̌μάνεψα το, μάνα μ’,
εγώ επουσ̌μάνεψα
Και σα δύσκολα τα ώρας
εσέναν εράεψα

Μανίτσα μ’, εσέν ’κι αλλάζω
με τη κοσμί’ την παράν
Εσέν έχω στήριγμα μ’
σον πόνο μ’ και σην χαρά μ’

Γλωσσάρι

Κείμενο	Επεξήγηση	Ετυμ. Ρίζα
ατέν	αυτήν
ατ’ς	αυτής, της
επουσ̌μάνεψα	μετάνιωσα	pişman olmak<paşmān
εράεψα	έψαξα, γύρεψα, αναζήτησα	aramak
έρθεν	ήρθε
εφαρμάκωσα	φαρμάκωσα
’κ’	δεν	οὐκί<οὐχί
’κι	δεν	οὐκί<οὐχί
κοσμί’	κόσμου
παράν	λεφτά, το χρήμα	para/pāre
πόνι͜α	πόνοι
χατίρ’	χάρη, σεβασμός, υπόληψη	hatır/ḫāṭir
ψ̌ην	ψυχή
ώρας	ώρες