Ποντιακός Στίχος

Προβολή Τραγουδιού

Καρδοφόνα

Έλληνες Ακρίτες Vol.4 | Πόντος, ΚαππαδοκίαΈλληνες Ακρίτες Vol.4 | Πόντος, Καππαδοκία

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Ηλίας Υφαντίδης


Σον διψασμένον δος νερόν,
φαΐν σον πεινασμένον
και σ’ εμέναν τον σεβταλή
ρακίν διπλοβρασμένον

Καρδοφόνα μ’, καρδοφόνα
και ντ’ αφορισμέντσα είσαι!
Μετ’ εμέναν λες, γελάς,
μανάχεσσα πας κείσαι

Τραγωδι͜άνος, τραγωδι͜άνος
και παραπονεμένος
Την έμορφον που ’κι αγαπά
να έν’ αφορισμένος

Καρδοφόνα μ’, καρδοφόνα
και ντ’ αφορισμέντσα είσαι!
Μετ’ εμέναν λες, γελάς,
μανάχεσσα πας κείσαι

Σο χωρίον, ση μαχαλά σ’,
πουλί μ’, ση γειτονία σ’
Ενθύμιον θ’ αφήνω σε
τ’ εμά τα τραγωδίας

Καρδοφόνα μ’, καρδοφόνα
και ντ’ αφορισμέντσα είσαι!
Μετ’ εμέναν λες, γελάς,
μανάχεσσα πας κείσαι
Γλωσσάρι
ΚείμενοΕπεξήγησηΕτυμ. ΡίζαΠροέλευση
αφορισμέντσααφορισμένη, αναθεματισμένη
δοςδώσε
εμάδικά μου
έμορφονόμορφο
έν’είναι
καρδοφόναφόνισσα της καρδιάς
κείσαικείτεσαι, ξαπλώνεις
’κιδεν ουκί<οὐχί
μαχαλάγειτονιά mahalle/maḥalle
μετ’μαζί με (με αιτιατική), με (τρόπος)
ρακίναλκοολούχο ποτό που παράγεται από τη ζύμωση φρούτων ή στεμφύλων φρούτων rakı/ˁaraḳī
τραγωδι͜άνοςτραγουδιστής
τραγωδίαςτραγούδια

Ποντιακός Στίχος - Pontian Lyrics 2024

Τραγούδια: 7860 | Albums/Singles: 1121 | Συντελεστές: 1524 | Λήμματα: 12572
Επικοινωνία: infoDUMMY@pontianlyrics.gr